Арменія і Расія дамовіліся аб цэнах на газ у 2019 годзе, паведаміў у панядзелак выканаўца абавязкаў прэм'ер-міністра Арменіі Нікол Пашынян. Ён удакладніў, што размаўляў па гэтым пытанні па тэлефоне з прэзідэнтам Расіі Уладзімірам Пуціным.
«Учора я правёў дзве тэлефонныя размовы з прэзідэнтам Расіі Уладзімірам Пуціным, падчас якога абмяркоўвалася пытанне цаны на газ. Па сутнасці, рашэнне было знойдзена, хаця б на бліжэйшую будучыню», — паведаміў Пашынян на сваёй старонцы ў Facebook.
Кіраўнік Арменіі ўдакладніў, што Расія цану падвысіць. Аднак урад знізіць унутраныя тарыфы, таму цана на газ у Арменіі для спажыўцоў не павялічыцца.
Інфармацыю пра дамоўленыя цэны на газ пацвердзіла і прэс-служба «Газпрома». У паведамленні, апублікаваным на сайце кампаніі, сказана, што 31 снежня ў Маскве адбылася рабочая сустрэча кіраўніка «Газпрома» Аляксея Мілера і в.а. віцэ-прэм'ера Арменіі Мгера Грыгарана.
«У адпаведнасці з падпісаным дадатковым пагадненнем да кантракта паміж ТАА «Газпром экспарт» і ЗАТ «Газпром Арменія», якое вызначае цану паставак газу ў Арменію у 2019 годзе, цана расейскага газу на мяжы Грузіі і Арменіі з 1 студзеня 2019 года складзе $ 165 дал. за 1 тыс. куб. м», — сказана ў паведамленні.
Летась кампанія «Газпром Арменія», якая належыць расійскаму «Газпрому», атрымлівала газ па цане 150 даляраў за тысячу кубаметраў, а жыхары Арменіі плацілі 285 даляраў за тысячу кубаметраў.
Як беларусы ў Вільні адзначылі Дзень Волі ШМАТ ФОТА4
Як беларусы ў Вільні адзначылі Дзень Волі ШМАТ ФОТА
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары