«Літаральна выціснулі з прадпрыемстваў гэтую сярэднюю тысячу ў канцы года. Але 80% работнiкаў яе і ў вочы не бачылі», — заявіў Аляксандр Лукашэнка пра сярэдні заробак 1000 рублёў, заслухоўваючы справаздачу ўрада, Нацбанка, аблвыканкамаў і Мінгарвыканкама аб выніках работы эканомікі краіны за 2017 год і задачах па забеспячэнні ўстойлівага эканамічнага росту.
Гаворачы аб цэнах і заробках, ён заявіў:
— Я ведаю, што стаіць за гістарычна нізкім узроўнем інфляцыі і амаль тысячай рублёў у снежні. Вы ж літаральна выціснулі з прадпрыемстваў гэтую сярэднюю тысячу ў канцы года. Але 80% работнiкаў яе і ў вочы не бачылі.
У паловы — гэта ніжэй 640 рублёў. А 10% насельніцтва краіны змаглі зарабіць не больш за 300 рублёў.
Гэта жыхары ў раёнах, дзе альтэрнатывы ў плане працаўладкавання няма, — сказаў кіраўнік краіны, перадае «СБ».
Аляксандр Лукашэнка паведаміў, што да гэтага часу не бачыў графіка росту зарплаты на 2018 год. Больш за тое:
— Паводле маёй інфармацыі, дасягненне і ўтрыманне у 2018 годзе заработнай платы на ўзроўні тысячы рублёў не пацвярджае ніводная з абласцей. Гэта таксама кажа пра тое, што вы пакуль не здольныя яе забяспечыць.
Але хачу папярэдзіць губернатараў: глядзіце, нарвецеся! Напэўна, занадта добра вы жывяце - і занадта адарваліся ад людзей. Вы што, не ведаеце, што на 300 рублёў у месяц пражыць сёння практычна нельга?!
Эканомце на чым хочаце — але тысячу рублёў сярэдняй зарплаты забяспечце! І перш за ўсё — за кошт павышэння заробку тым, каго можна назваць асновай нашай дзяржавы — настаўнікаў, дактароў, тых, хто выхоўвае нашых дзяцей. Трымаць іх на галодным пайку — вар'яцтва.
Нагадаем, што сярэдні заробак беларусаў пасля імклівага снежаньскага росту зваліўся ў студзені на 136 рублёў — да 859 рублёў. Гэта на 136,3 рубля менш, чым у снежні (995 рублёў).
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4444
Каментары