Вольга Вілухіна і Яна Раманава дыскваліфікаваныя пажыццёва.
Міжнародны алімпійскі камітэт прызнаў вінаватымі ў парушэнні антыдопінгавых правілаў біятланістак Вольгу Вілухіну і Яну Раманаву. Яны дыскваліфікаваныя пажыццёва, а іх вынікі на Алімпіядзе ў Сочы ануляваныя. Пра гэта паведамляе прэс-служба камітэта.
У выніку гэтага рашэння зборная Расіі страціла два сярэбраныя медалі, заваяваныя ў Сочы: Вілухіна ў 2014 годзе стала другой у спрынце, а таксама разам з Раманавай увайшла ў склад эстафетнай каманды, якая выйграла срэбра. Свае медалі павінны будуць здаць Вольга Зайцава і Кацярына Шумілава, якія таксама ўдзельнічалі ў эстафеце. Беларусь у эстафеце перамяшчаецца на 4-е месца.
Аляксей Негадайла і Дзмітрый Трунянкоў заваявалі золата ў спаборніцтвах чацвёрак на Алімпіядзе ў Сочы, аднак іх вынік быў ужо скасаваны 24 лістапада. Тады вінаватымі ў парушэнні антыдопінгавых правілаў былі прызнаныя Аляксандр Зубкоў і Аляксей Ваявода, якія таксама прымалі ўдзел у заездах чацвёрак. Негадайлу і Трунянкову забаронена ўдзельнічаць у спаборніцтвах пад эгідай МАК у любой якасці.
У Расіі забралі ўжо 11 медалёў хатніх Гульняў. І гэта яшчэ далёка не канец. На наступным тыдні будзе прынята рашэнне наогул аб допуску Расіі да Алімпіяды-2018.
Вось так табліца ўзнагарод выглядала да дыскваліфікацый:
| Месца | Краіна | Золата | Срэбра | Бронза | Усяго |
| 1 | Расія | 13 | 11 | 9 | 33 |
| 2 | Нарвегія | 11 | 5 | 10 | 26 |
| 3 | Канада | 10 | 10 | 5 | 25 |
| 4 | ЗША | 9 | 7 | 12 | 28 |
| 5 | Нідэрланды | 8 | 7 | 9 | 24 |
А цяпер табліца выглядае так
| Месца | Краіна | Золата | Срэбра | Бронза | Усяго |
| 1 | Нарвегія | 11 | 7 | 11 | 28 |
| 2 | Канада | 10 | 10 | 5 | 25 |
| 3 | Расія | 10 | 5 | 9 | 24 |
| 4 | ЗША | 9 | 10 | 11 | 30 |
| 5 | Нідэрланды | 8 | 8 | 8 | 24 |
Каментары