Траціна аўтаўладальнікаў не праходзіць тэхаглядаў: штрафы абыходзяцца танней, чым дарожны збор
З зарэгістраваных у Беларусі 3,5 млн аўтамабіляў за 10 месяцаў бягучага года прайшлі тэхагляд і заплацілі дарожны падатак ўладальнікі 1 235 588 транспартных сродкаў, паведамляе Tut.by.
«З кожным годам аўтамабілістаў, якія прыязджаюць на тэхагляд і выплачваюць так званы «дарожны падатак», становіцца ўсё менш. Такую тэндэнцыю мы назіраем з 2014 года — калі была ўведзеная пошліна», - заявіў начальнік упраўлення арганізацыі дзяржтэхагляду Яўген Карповіч.
УП «Белтэхагляд» паведаміла, што гэта на 7,8% менш, чым за аналагічны перыяд мінулага года. Усяго ж ў 2016 годзе дазвол на допуск у дарожным руху атрымалі 1 542 422 аўтамабіляў — менш, чым у пазамінулым годзе на 163 218.
Старшыня Пастаяннай камісіі па прамысловасці, паліўна-энергетычным комплексе, транспарце і сувязі Андрэй Рыбак паведаміў, што, магчыма, у наступным годзе дарожны падатак можна будзе ўносіць часткамі, і што ён будзе адвязаны ад працэдуры тэхагляду. Але для гэтага працоўныя прапановы сябраў камісіі павінен яшчэ зацвердзіць кіраўнік дзяржавы.
Каментары