Камандуючы сіламі ЗША ў Еўропе генерал-лейтэнант Бэн Ходжэс заклікаў еўрапейскія краіны дамовіцца аб спецыяльных транспартных і памежных правілах дзеля спрашчэння перамяшчэння сіл НАТА, паведамляе Associated Press.
На думку генерала, гэта неабходна для стрымлівання краінамі НАТА патэнцыйных агрэсараў, такіх як Расія. «[Сілы] альянсу павінны быць здольныя рухацца хутчэй, чым сілы Расійскай Федэрацыі, калі мы хочам, каб наша здольнасць да стрымлівання была эфектыўнай», — заявіў Ходжэс.
Ён удакладніў, што камандаванне НАТА хоча ведаць, як яно можа «атрымаць гэтую хуткасць у рамках існуючых мірных правілаў для перамяшчэння па аўтамагістралях, жалезным дарогах і гэтак далей».
Для вырашэння праблемы генерал прапанаваў стварыць «ваенны Шэнген» па аналогіі з Шэнгенскай зонай, куды ўваходзяць 26 краін Еўропы і ўнутры якой людзі і тавары могуць перасякаць межы без праверак.
Цяпер чытаюць
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай19
Каментары