Культура88

Юрый Жыгамонт агучыў Евангелле па-беларуску. Трэба дапамога ў выданні запісу

Беларускі акцёр і тэлевядучы Юрый Жыгамонт, вядомы па перадачы «Падарожжы дылетанта», падрыхтаваў аўдыёверсію Евангелля на беларускай мове. Праект быў ажыццяўлёны ў супрацоўніцтве з праваслаўным брацтвам у гонар Віленскіх мучанікаў, сацыяльна-культурнай установай «МоцАрт» і кампаніяй «Прастора.by».

Ініцыятарам стварэння аўдыёзапісу беларускага Евангелля стаў сам Юрый Жыгамонт. У якасці асновы быў узяты пераклад Евангелля, выкананы членамі Біблейскай камісіі Беларускай праваслаўнай царквы. Падрыхтоўка запісу заняла некалькі год, на працягу якіх у студыі кампаніі «Прастора.by» было запісана некалькі дзясяткаў гадзін аўдыёматэрыялу. Канчатковая версія запісу, які ўключае чатыры Евангеллі (паводле Матфея, Марка, Лукі і Іаана), мае працягласць больш за 11 гадзін.

— Святары праслухалі падрыхтаваны запіс і былі перакананыя, што гэта вартасны праект, — расказвае супрацоўнік выдавецкага аддзела брацтва ў гонар Віленскіх мучанікаў Кастусь Антановіч. — Евангелле ў фармаце, падрыхтаваным Юрыем Жыгамонтам, гучыць больш даступна і добра ўспрымаецца ў тых сітуацыях, калі чалавеку больш зручна праслухаць Евангелле, чым прачытаць. Тым больш у замежжы жыве шмат беларусаў, якія добра ўспрымаюць родную мову, але ім цяжка чытаць на кірыліцы, і такі праект дасць ім магчымасць пачуць роднае слова, не прыкладаючы ніякіх дадатковых намаганняў.

Падрыхтоўка запісу ажыццяўлялася пры падтрымцы пляцоўкі «МоцАрт» — арганізацыі, арыентаванай на дапамогу людзям з абмежаванымі магчымасцямі. Па словах Кастуся Антановіча, праект па агучванні Евангелля таксама задумваўся з мэтай таго, каб даць магчымасць пачуць слова Божае невідушчым і людзям, хто па стане здароўя не мае магчымасці чытаць. Яшчэ адна з мэт праекта — папулярызацыя Евангелля на беларускай мове сярод моладзі, і існуюць планы распаўсюджвання часткі запісу ў адкрытым доступе.

На сённяшні дзень выпушчаныя толькі некалькі дыскаў з запісам беларускага Евангелля. У стваральнікаў праекта ёсць мэта распаўсюджваць дыскі сярод людзей з абмежаванымі магчымасцямі, але для гэтага зараз не хапае сродкаў, і таму ажыццяўленне гэтага дабрачыннага праекта залежыць ад нас з вамі. Вашы ахвяраванні могуць дапамагчы ў вырабе дыскаў, якія потым пры падтрымцы пляцоўкі «МоцАрт» будуць перададзеныя людзям з праблемамі здароўя, і магчыма нехта з іх упершыню пачуе Евангелле на роднай, беларускай мове.

Па пытаннях падтрымкі праекта вы можаце звяртацца да брацтва ў гонар Віленскіх мучанікаў, адрас электроннай пошты bpbtvm@tut.by.

Каментары8

Цяпер чытаюць

Беспілотнік, які ўпаў у Мінску, прыляцеў з боку Барысава — шматлікія сведчанні9

Беспілотнік, які ўпаў у Мінску, прыляцеў з боку Барысава — шматлікія сведчанні

Усе навіны →
Усе навіны

У Польшчы затрыманыя 32 чалавекі за супрацоўніцтва з расійскімі спецслужбамі. Сярод іх ёсць і беларусы4

Пра даляр, таннейшы за тры рублі, можна забыцца? Што адбываецца з курсам2

Гарадзенцы ў адным месцы зрэзалі адразу 114 баравікоў1

Анархісты сфармулявалі чатыры пункты, якія павінен выканаць Стрыжак, каб вырашыць канфлікт55

«Прыстроіць грошы, каб працавалі». Сумная гісторыя кавярні, якая «не ўзляцела»4

Лукашэнка будуе сакрэтны завод па вытворчасці дронаў у Мінску7

СК апублікаваў відэазапіс падзення беспілотніка ў Мінску. На абломках паказалі ўкраінскія надпісы45

Арыштавалі экс-начальніка ДАІ Партызанскага раёна Мінска1

«Ніхто не мае права забараніць мне абняць дзіця». Мінчанка здзівілася строгім правілам у дзіцячым летніку5

больш чытаных навін
больш лайканых навін

Беспілотнік, які ўпаў у Мінску, прыляцеў з боку Барысава — шматлікія сведчанні9

Беспілотнік, які ўпаў у Мінску, прыляцеў з боку Барысава — шматлікія сведчанні

Галоўнае
Усе навіны →

Заўвага:

 

 

 

 

Закрыць Паведаміць