Барак Абама разам з жонкай Мішэль павіншаваў амерыканцаў з Калядамі і Новым годам. Відэа звароту апублікаванае на старонцы Белага дома ў Facebook.
«Віншуем усіх з Калядамі! Адзначаць святы ў Белым доме ў гэтыя апошнія восем гадоў было сапраўдным прывілеем для нас. Мы змаглі прыняць больш за паўмільёна гасцей за гэты час, нашы выдатныя кухары спяклі больш за 200 000 святочных прысмакаў, і Барак бясконцую колькасць раз жартаваў з вамі», — звярнуліся да амерыканцаў прэзідэнт і першая лэдзі ЗША.
Мішэль Абама таксама прыгадала іх з мужам першы калядны зварот да амерыканцаў пасля інаўгурацыі Барака Абамы.
Прэзідэнцкі тэрмін Барака Абамы заканчваецца 20 студзеня 2017 года пасля інаўгурацыі Дональда Трампа.
Цяпер чытаюць
Сям’ю з Мінска будуць судзіць за здраду дзяржаве і кантрабанду зброі. Іх, падобна, затрымалі на мяжы — вось што вядома8
Каментары