У Баранавічах назіральнікі за выбарамі звярнуліся ў Следчы камітэт і пракуратуру
Назіральнікі Сяргей Гоўша і Мікалай Чарнавус-старэйшы ўпэўненыя, што звесткі аб колькасці людзей, якія датэрмінова прагаласавалі на адным з участкаў горада, завышаныя амаль утрая.
Як распавёў Intex-press Сяргей Гоўша, назіральнік ад Беларускага Хельсінскага камітэта, 10 верасня ён звярнуўся ў Следчы камітэт з заявай аб тым, што на выбарчым участку №8 (сярэдняя школа №15) Баранавіцкай-Усходняй акругі №6 вынікі першых чатырох дзён датэрміновага галасавання па дадзеных участковай камісіі і назіральнікаў істотна адрозніваюцца.
— Згодна з падлікам назіральніка, у першы дзень прагаласавалі датэрмінова 30 чалавек, у другі — 44, у трэці — 67, у чацвёрты - 72, усяго — 213 чалавек, — кажа Сяргей Гоўша. — Паводле звестак участковай камісіі, за чатыры дні прагаласаваў 561 чалавек, або ў 2,6 раза больш.
Мікалай Чарнавус-старэйшы, які назірае за хадой галасавання на гэтым участку, кажа, што паведаміў пра сітуацыю ў ЦВК і пракуратуру, а таксама назіральнікам ад АБСЕ.
Цяпер чытаюць
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4444
Каментары