У Баранавічах перад судом паўстануць тры навучэнкі другога курсу прафесійнага ліцэя ў Баранавіцкім раёне, якія распаўсюдзілі парнаграфічную выяву з тварам сваёй аднагрупніцы.
Як паведаміў афіцыйны прадстаўнік упраўлення Следчага камітэта па Брэсцкай вобласці Марына Дранькова, адна з дзяўчын восенню 2015 года на свой мабільны тэлефон загрузіла з інтэрнэту відарыс парнаграфічнага характару з удзелам мужчыны і жанчыны. Затым, выкарыстоўваючы спецыяльную праграму, на месца твару жанчыны ўставіла фота сваёй аднагрупніцы. Як растлумачыла падследная, яна адчувала да той непрыязнасць.
Адрэдагаванае фота ліцэістка захавала ў памяці тэлефона і адправіла праз блютуз сваёй знаёмай.
14 студзеня 2016 года на занятках ў ліцэі гэтая абвінавачаная паказала двум сяброўкам вырабленую выяву і прапанавала размясціць яе ў сацыяльнай сетцы, на што тыя пагадзіліся. Яны размясцілі парнаграфічную карцінку на «сцяне» інтэрнэт-старонкі (у адкрытым доступе), пасля чаго інфармавалі пра яе іншых карыстальнікаў сацыяльнай сеткі.
Акрамя таго, фота было дасланае праз асабістыя паведамленні пацярпелай на яе інтэрнэт-старонку. На наступны дзень тая звярнулася да адміністрацыі ліцэя, прадэманстраваўшы карцінку. Кіраўніцтва навучальнай установы паведаміла ў праваахоўныя органы.
Пад падазрэнне ва ўчыненні супрацьпраўных дзеянняў адразу ж трапілі некалькі аднагрупніц пацярпелай.
Баранавіцкім міжраённым аддзелам Следчага камітэта пасля завяршэння расследавання тром дзяўчатам выстаўленае абвінавачанне на падставе ч. 2 арт. 343 КК (выраб і распаўсюджванне парнаграфічнай выявы, здзейсненае групай паводле папярэдняй змовы з выкарыстаннем глабальнай камп'ютарнай сеткі інтэрнэт).
Прыцягваць стваральніцу парнаграфічнага відарысу да крымінальнай адказнасці за абразу пацярпелая не захацела. На момант здзяйснення злачынства фігуранткам крымінальнай справы было па 16 гадоў. Матэрыялы вывучаныя пракурорам і накіраваныя ў суд для разгляду.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5858
Каментары