У Мінску паставяць спектакль «Хрыстос прызямліўся ў Гародні»
У Лялечным тэатры ўпершыню ўвасобяць легендарны твор Уладзіміра Караткевіча.
Як паведамілі «Народнай Волі» ў Беларускім дзяржаўным тэатры лялек, галоўны рэжысёр калектыву Аляксей Ляляўскі ўзяўся за пастаноўку рамана «Хрыстоc прызямліўся ў Гародні».
Дзеянне аднайменнага твору Караткевіча адбываецца ў XVI стагоддзі ў Вялікім Княстве Літоўскім. Вандроўны акцёр Юрась Братчык стварае трупу. Сам ён бярэцца за выкананне ролі Ісуса Хрыста, яго сябры – апосталаў. Але жыхары ВКЛ вырашаюць, што да іх з нябёсаў сапраўды сышоў Збаўца. Цікава, што спачатку Караткевіч напісаў не раман, а сцэнарый з такім сюжэтам. Але пасля таго, як цэнзура забараніла фільм (ён праляжаў на паліцы 22 гады), узяўся за літаратурны твор.
Над пастаноўкай «Хрыстос прызямліўся ў Гародні» будзе працаваць мастак Людміла Скітовіч. Спектакль будзе ісці на беларускай мове.
Прэм’ера запланавана на верасень 2016 года.
-
У Гомельскім драматычным тэатры — кадравыя чысткі. Зноў праз «палітыку»
-
«Будзе смешна і балюча»: «Купалаўцы» прэзентуюць заўтра новы спектакль. У галоўных ролях — Манаеў, Белахвосцік, Гарцуева
-
«Рашэнне прыйшло звонку». Што адбываецца ў віцебскім тэатры, дзе ў спектаклі прагучала «Жыве Фландрыя!» і пачалася чарада звальненняў?
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс15
Каментары