Зборная Харватыі выйграла ў заключным матчу групавога турніру ў Ісландыі з лікам 37:28, і дзякуючы гэтаму беларусы, якія прайгралі ўчора Нарвегіі (27:29) выйшлі ў асноўны раўнд ЧЕ па гандболе. Турнір праходзіць у Польшчы.
Выніковае становішча пасля 3 гульняў: Нарвегія — 4, Харватыя — 4, Беларусь — 2, Ісландыя — 2.
Нарвегія вышэй за Харватыю, а Беларусь за Ісландыю — за кошт асабістых сустрэч.
У наступным раўндзе будзе створана дзве групы па шэсць камандаў.
Беларусы будуць у групе 1 разам з ранейшымі партнёрамі Нарвегіяй і Харватыяй, а таксама з Францыяй, Польшчай, Македоніяй.
Папяпрэдняе становішча: Польшча, Нарвегія — 4, Харватыя, Францыя — 2, Беларусь, Македонія — 0.
У беларусаў — нуль, бо вынік матча з Ісландыяй не залічаны — супернікі не выйшлі ў наступны раўнд, а Харватыі і Нарвегіі нашы прайгралі. Будзе нялёгка.
Беларусы згуляюць з Францыяй (21 студзеня, 20:15), Польшчай (25 студзеня, 22:30), Македоніяй (27 студзеня, 18.00).
Матчы пройдуць у Кракаве.
У паўфінал выходзяць дзве каманды, але зборныя, што зоймуць 3 і 4—я месцы ў групе, згуляюць у матчах за 7-е і 8-е месцы.
-
Спецпасланнік Трампа прапанаваў ФІФА замяніць зборную Ірана на чэмпіянаце свету еўрапейскай камандай. Ідэя па-валюнтарысцку дзіўная
-
Нарвегія адмовілася прымаць міжнародныя турніры па водных відах спорту, пратэстуючы супраць беларусаў і расіян са сцягамі
-
Трэнера зборнай Беларусі могуць прызнаць найлепшым у свеце
Цяпер чытаюць
Ад рэкету да продажу фота магіл. Як выглядае знутры групоўка Project X, якая вярбуе людзей для перавозкі мігрантаў з Беларусі ў ЕС9
Каментары