Міністр унутраных спраў Украіны Арсен Авакаў заяўляе, што падаў у суд пазоў аб абароне гонару і годнасці за абвінавачванні ў яго адрас, якія агучыў губернатар Адэскай вобласці Міхаіл Саакашвілі. Пра гэта ён паведаміў у праграме «Права на ўладу» на тэлеканале «1+1».
«Я падаў у суд на спадара Саакашвілі», - паведаміў міністр.
Авакаў паведаміў, што, па яго дадзеных, падаць у суд на экс-прэзідэнта Грузіі плануе і прэм'ер Арсень Яцанюк.
«Бо калі ты кажаш, што чалавек — злодзей, адказвай за гэта. Наколькі я ведаю, спадар Яцанюк таксама збіраецца гэта зрабіць», — адзначыў кіраўнік МУС.
14 снежня на пасяджэнні Нацыянальнай рады рэформаў адбылася сварка паміж Арсенам Авакава і Міхаілам Саакашвілі. Авакаў заявіў, што Саакашвілі страціў кантроль, адказваючы на яго пытанне падчас пасяджэння. Пасля гэтага, Авакаў плюхнуў вадой у твар кіраўніка Адэскай АДА.
Цяпер чытаюць
Пяць дзён, 60 удзельнікаў, саўна, більярд і крыкі адно на аднаго. Расказваем, як прайшла закрытая «гульня Мацкевіча»54
Каментары