Электрагітара Rickenbacker, якая належала аднаму з заснавальнікаў легендарнай брытанскай групы The Beatles Джону Ленану, прададзеная на аўкцыёне Julien's Auctions за 910 тысяч даляраў.
Як адзначаецца ў паведамленні амерыканскага аўкцыённага дома, Ленан упершыню граў на гэтай гітары на калядных канцэртах 1964 года, а ў 1968 годзе падарыў яе іншаму ўдзельніку групы, бубначу Рынга Стару.
Усяго на таргах было прадстаўлена каля 800 прадметаў, якія належаць сям'і Рынга Стара і яго жонкі Барбары Бах.
У прыватнасці, ударная ўстаноўка Ludwig Oyster, на якой граў Стар, пайшла з малатка за 2,2 млн даляраў.
У траўні гэтага года на аўкцыёне ў ЗША была прададзеная гітара, на якой граў іншы ўдзельнік The Beatles, Джордж Харысан. Пакупнік заплаціў за інструмент крыху менш за паўмільёна даляраў.
Упершыню за чатыры гады Белстат апублікаваў звесткі аб нараджальнасці і смяротнасці. Даныя жахаюць39
Упершыню за чатыры гады Белстат апублікаваў звесткі аб нараджальнасці і смяротнасці. Даныя жахаюць
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў99
Каментары