Супрацоўнікамі крымінальнага вышуку Ленінскага РУУС Мінска па гарачых слядах раскрытае забойства. Паводле падазрэння ва ўчыненні злачынства затрыманы 25-гадовы раней судзімы жыхар сталіцы.
Як паведамляе ГУУС Мінгарвыканкама, 30 ліпеня прыкладна ў 6.00 у службу хуткай меддапамогі паступіла інфармацыя ад грамадзян, што на прыпынку грамадскага транспарту па вуліцы Аранскай маладому чалавеку дрэнна. Хлопца даставілі ў бальніцу. Ад нажавых раненняў, што былі ў яго, ён неўзабаве памёр.
Момант забойства зафіксавалі камеры відэаназірання. На запісах бачна, што пацярпелы і падазроны былі знаёмыя. Як высветлілася, напярэдадні маладыя людзі сумесна распівалі спіртныя напоі, усю ноч гулялі на гульнявых аўтаматах, пасля чаго накіраваліся ў бок вуліцы Маякоўскага, адкуль збіраліся на грамадскім транспарце паехаць дамоў. Аднак паміж імі ўзнік канфлікт, падчас якога адзін нанёс другому два ўдары нажом.
Дзеянні затрыманага кваліфікаваныя следствам паводле ч. 1 арт. 139 КК.
Праводзяцца аператыўна-вышуковыя мерапрыемствы на дачыненне падазронага ў забойстве да ўчынення іншых злачынстваў, у прыватнасці да нападу сексуальнага характару на маладую жанчыну на вуліцы Ульянаўскай 30 ліпеня прыкладна ў 4.00.
Цяпер чытаюць
Усе чакалі падзення цэн, але нічога падобнага! Як за год змяніліся цэны на кватэры ў Мінску і іншых буйных гарадах15
Усе чакалі падзення цэн, але нічога падобнага! Як за год змяніліся цэны на кватэры ў Мінску і іншых буйных гарадах
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння55
Каментары