Нападаючы мадрыдскага «Рэала» Крышціяну Раналду прадаў правы на выкарыстанне свайго вобраза ганконгскай кампаніі Mint Media, якая належыць грамадзяніну Сінгапура, мільярдэру Пітэру Ліму.
Сума ўгоды не выдаецца.
Паводле дамовы, кампаніі адыходзяць правы на камерцыйнае выкарыстанне ўсіх выяў Раналду на працягу наступных шасці гадоў за выключэннем тых, якія выкарыстоўвае яго клуб.
«Раналду не проста вялікі футбаліст, але і вельмі папулярны чалавек. Я ўпэўнены, што брэнд Крышціяну Раналду працягне расці», — гаворыцца ў прэс-рэлізе кампаніі, напісаным ад асобы Ліма.
У маі мінулага года Лім трапіў у поле зроку СМІ пасля таго, як набыў 70% акцый іспанскага футбольнага клуба «Валенсія». Акрамя таго, Лім мае долю ў адным з паўпрафесійных клубаў Брытаніі. У Сінгапуры кампанія Ліма вядзе некалькі буйнамаштабных дэвелаперскіх праектаў. Кампанія Mint Media займаецца стварэннем прома-ролікаў для кліенцкіх брэндаў.
Крышціяну Раналду займае трэці радок у спісе самых высокааплатных спартсменаў свету. У мінулым годзе ён зарабіў $79,6 млн.
Побач з Лукашэнкам на хакеі з'явілася новая прыгажуня10
Каментары