У Беларусі знікне рэклама электронных цыгарэт. Аб гэтым паведаміла кансультант упраўлення абароны правоў спажыўцоў і кантролю за рэкламай Міністэрства гандлю Іна Гаўрыльчык.
«Згодна з папраўкамі ў закон аб рэкламе, прынятымі дэпутатамі Палаты прадстаўнікоў учора на пасяджэнні ў першым чытанні, забаронена рэкламаваць любыя тавары, якія сваёй назвай або знешнім выглядам падобныя да алкагольных і тытунёвых вырабаў. Гэта значыць, калі дакумент уступіць у сілу, знікне рэклама электронных цыгарэт, нельга будзе рэкламаваць, напрыклад, тавар, які мае ўпакоўку, ідэнтычную ўпакоўцы цыгарэт», — растлумачыла Іна Гаўрыльчык.
Яна нагадала, што, у адпаведнасці з заканадаўствам, на сённяшні дзень электронныя цыгарэты не з'яўляюцца тытунёвымі вырабамі. «Але праблема з імі ёсць: яшчэ ніхто не даказаў, што яны бясшкодныя. Мы гэта пытанне шчыльна прапрацоўвалі з Міністэрствам аховы здароўя, дзе нам паведамілі, што ніякіх навукова абгрунтаваных доказаў таго, што электронная цыгарэта бяспечная для здароўя і што яна дапамагае кінуць курыць, няма», — сказала кансультант упраўлення абароны правоў спажыўцоў і кантролю за рэкламай.
-
«Я заўсёды быў праўкраінскім чалавекам». Беларус амаль 20 гадоў працаваў у Маскве — вось што з ім адбылося пасля 2022‑га
-
У Беларусі — 365 экстрэмісцкіх фармаванняў і арганізацый
-
«Бываюць проста болевыя запоі. Калі ты з болю не вылазіш…». Галіна Казіміроўская — пра барацьбу з анкалогіяй, хіміятэрапію і тое, чаму не ўмее прасіць дапамогі
Цяпер чытаюць
Пяць дзён, 60 удзельнікаў, саўна, більярд і крыкі адно на аднаго. Расказваем, як прайшла закрытая «гульня Мацкевіча»59
Каментары