Сам па сабе полівінілхларыд не больш небяспечны за паперу. Аднак эколагі і дактары канстатуюць факт: з-за выкарыстання вокнаў, падлог і шпалер з утрыманнем ПВХ у людзей развіваецца астма.
Асноўную шкоду прадуктаў з полівінілхларыду нясе не сам ПВХ, а рэчывы, якія выкарыстоўваюцца пры яго вырабе. Гэты факт дазваляе вытворцам пластыку казаць пра бяспеку ПВХ, замоўчваючы, што пры аго вытворчасці да полівінілхларыду дадаваліся фталаты — кіслоты, якія выклікаюць у чалавека астму, а таксама алергію, ракавыя захворванні і многае іншае.
«ПВХ вырабляецца з сыравіны, якая з'яўляецца адыходам, і нясе шкоду арганізму чалавека.
У ЗША існуе група архітэктараў, якія займаюцца даследаваннем розных пластыкаў на арганізм чалавека. І па іх даследаваннях ПВХ з'яўляецца самым агрэсіўным рэчывам па ўздзеянні. Полівінілхларыд змяшчае вялікую колькасць хлору, які ў далейшым уступае ў рэакцыю, ён з'яўляецца агрэсіўным для навакольнага асяроддзя», — сказаў Йіндржык Петэрлік, чэшскі эколаг, супрацоўнік праграмы па адходах і хімікатаў экалагічнай грамадскай арганізацыі «Арніка» (Чэхія) на канферэнцыі «Бяспека тавараў і прадуктаў для сем'яў».
Паводле слоў спецыяліста, людзі павінны больш асэнсавана падыходзіць да выбару будматэрыялаў: аддаваць перавагу вокнам без пластыку, падлогавым пакрыццям і шпалерам без ПВХ.
«Прапанова фарміруецца з попыту», — сказаў Петерлік, заявіўшы, што вытворцы прадукцыі з полівінілхларыду адмовяцца ад яе, калі яна страціць цікавасць пакупнікоў.
Для ПВХ існуе каля 40 змякчальнікаў-фталатаў. З іх 6 забароненыя ў краінах ЕС. У Беларусі ўсё яны, у тым ліку самыя небяспечныя, дазволеныя і шырока выкарыстоўваюцца. У прыватнасці, забароненыя да выкарыстання ў Еўрапейскім Саюзе фталаты прымяняюцца на заводах «МАВ», Лідскім лакафарбавым заводзе, Брэсцкім заводзе бытавой хіміі і многіх іншых, сцвярджае спецыяліст.
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс11
Каментары