Фінскія СМІ, не згодныя з патрабаваннем беларускага ўрада, маюць намер байкатаваць Чэмпіянат свету ў Мінску
Прадстаўнікі шэрагу буйных СМІ Фінляндыі адмаўляюцца ехаць у Беларусь на Чэмпіянат свету па хакеі.
У прыватнасці, пра гэта заявілі тэлерадыёкампанія YLE, а таксама выданні Helsingin Sanomat і Ilta Sanomat.
Кампаніі абвясцілі, што іх не задавальняюць умовы, вылучаныя беларускімі арганізатарамі мерапрыемства. У прыватнасці гаворка ідзе аб патрабаванні, высунутым з боку ўрада Беларусі: журналісты, якія прыбылі па візах, выдадзеных для асвятлення Чэмпіяната свету па хакеі, не могуць пісаць пра іншыя падзеі ў краіне.
«Мы павінны быць пэўненыя, што журналісты змогуць працаваць у адпаведнасці з нармальнымі заходнімі прынцыпамі.
Міжнародная федэрацыя хакея павінна падбаць пра тое, каб забяспечыць нармальную працу», — заявіў спартыўны дырэктар YLE Аце Яскелайнен.
Цяпер чытаюць
Як склаўся лёс Яны Пачыцкай — дзяўчыны, якую затрымлівалі разам з Канавалавым і Кавалёвым па справе аб тэракце ў метро2
Каментары