Пракрамлёўскі рух «Нашы» адправіў выкрываць «Другую Расею» бабруйскі вандроўны тэатар.
Пракрамлёўскі рух «Нашы» адправіў ў агітацыйны тур па расейскім гарадам бабруйскі вандроўны тэатар «Дохлая малпа». Мэта туру, які распачаўся 2 кастрычніка й працягнецца 15 дзён – паказаць «сапраўдны твар расейскай апазыцыі».
Сярод пэрсанажаў 4-гадзіннага «спэктакля» «Другая Расея» – Міхаіл Касьянаў, Гары Каспараў, Ірына Хакамада, Эдуард Лімонаў, Міхаіл Хадаркоўскі, Барыс Беразоўскі – і арганізатар апазыцыі Дзядзя Сэм.
На сваім сайце «Нашысты» заявілі, што «мастацкія сродкі, якія выкарыстоўвае рэжысэр, празьмерна эпатажныя. Але мы лічым, што ў спэктаклі даволі дакладна паказаная карціна стасункаў лідэраў «Другой Расеі» і іхніх апякуноў».
 |
Пра бабруйскі вандроўны тэатар «Дохлая малпа» пад кіраўніцтвам рэжысэра Жукова-Майскага невядома нічога. Але ягоная эстэтыка ў найбольшай ступені нагадвае БТ-шныя прадстаўленьні фальшывых геяў на Кангрэсе дэмакратычных сілаў.
Пасьля экспарту зь Беларусі аўтарытарызму, прыйшла чарга й прапагандовага балагану.
«Дык дадому забяры алкаша абасцанага і выходжвай». Малады загадчык аддзялення бальніцы не стрымлівае сябе ў выразах у сацсетках24
Каментары