Ніводзін чалавек не скажа, што ў Беларусі існуе тэлефоннае права», — заявіў Аляксандр Лукашэнка 19 лістапада на нарадзе па пытанні ўдасканальвання дзейнасці судоў і органаў юстыцыі.
«Мне каштавала немалых намаганняў, каб засцерагчы вас ад тэлефоннага права, — прыводзіць словы Лукашэнкі прэс-служба прэзідэнта. — Усё павінна быць сумленна. Ніхто не можа даць указанне суддзі. Ніхто не можа націскаць на суддзю. Усё павінна быць незалежна.
Суддзя судзіць толькі на падставе закону. Мы — слугі народа. Я не першы раз гэта паўтараю. Мы павінны служыць народу, і я як прэзідэнт, і вы — тыя, каго я прызначаю».
Старшыня Вярхоўнага суда Валянцін Сукала заявіў, што судзейскі корпус адчувае поўную незалежнасць.
Праваабаронцы ж сцвярджаюць, што дзясяткі суддзяў у нашай краіне за гады кіравання Аляксандра Лукашэнкі выносілі палітычна матываваныя прысуды. Сярод асуджаных былі і шматлікія ягоныя канкурэнты на прэзідэнцкіх выбарах.
Цяпер чытаюць
Як склаўся лёс Яны Пачыцкай — дзяўчыны, якую затрымлівалі разам з Канавалавым і Кавалёвым па справе аб тэракце ў метро15
Каментары