Na mohiłkach Kałodziščy źjaviŭsia ŭčastak dla pachavańniaŭ na zachodni manier
Śpieckambinat kamunalna-bytavoha absłuhoŭvańnia zrabiŭ na mohiłkach «Kałodziščy» pad Minskam učastak dla hazonnych pachavańniaŭ.
Tradycyjny nadmahilny hrudok tut nie robicca, a ŭsie nadmahilnyja zbudavańni vykananyja na adziny ŭzor u vyhladzie vykładzienaj na pavierchniu ziamli hranitnaj plity, na jakuju staviać padhałoŭnik z tekstam.
— Pieršyja pachavańni na hazonnym učastku zrabili ŭ žniŭni hetaha hoda, — paviedamiŭ namieśnik zahadčyka Kałodziščaŭ Aleh Vaładźko. — Usie nadmahilnyja plity — adnatypnyja, mohuć być čatyroch roznych koleraŭ. Pakul ciažka mierkavać, nakolki budzie zapatrabavany hazonny ŭčastak. Raźličany jon na 360 pachavańniaŭ.
Svajaki pamierłych pavinnyja adrazu apłacić kompleks pasłuh: nadmahilnuju plitu, jaje ŭstanoŭku i dohlad miesca. Ahułam — kala 13 młn rubloŭ. Usie raboty pa dohladzie travianoha pokryva, u tym liku pakos travy i ŭborku śmiećcia, vykonvajuć pracaŭniki mohiłak.
Kamientary