Paśla pieramohi nad «Minskam» (5:1) barysaŭski BATE za dva tury da finiša zabiaśpiečyŭ sabie čarhovaje čempijonstva. Dziaviataje ŭ historyi i siomaje zapar.
Tearetyčna salihorski «Šachcior» moža dahnać BATE pa punktach, ale pa kolkaści pieramoh
Hod dla BATE vydaŭsia cikavym. Trenier Viktar Hančarenka ŭ pačatku siezona źmianiŭ hulniavuju schiemu kamandy na tak zvany «romb». Faktyčna ŭ kamandy nie zastałosia fłanhavych paŭabaroncaŭ, a asnoŭnyja siły skancentravanyja ŭ centry pola.Hetaja schiema pryžyvałasia nie vielmi hładka. Naprykład, u pieršym tury byŭ projhryš ad usio taho ž «Minska» (0:1). Toje paražeńnie, darečy, było znakavym dla bramnika Alaksandra Hutara. Najlepšy hulec minułaha siezona paśla pieršaha tura nadziejna sieŭ u zapas. Numaram № 1biez pytańniaŭ staŭ Andrej Harbunoŭ.
U roznyja pieryjady hoda ŭ BATE byli svaje znakavyja postaci. Dźmitryj Mazaleŭski ŭ pačatku siezona, Dźmitryj Baha ŭ kancy krasavika, Andrej Harbunoŭ stajaŭ nadziejna ŭvieś čempijanata, Vital Radzivonaŭ zabivaŭ nastolki nieabchodnyja miačy ŭ Lizie čempijonaŭ, Alaksandr Vaładźko byŭ najlepšym naprykancy leta, Alaksandr Paŭłaŭ zaźziaŭ vosieńniu.Sioleta BATE ŭ treci raz vyjšaŭ u hrupavy etap Lihi čempijonaŭ. Kamanda pa čarzie vyjhravała makiedonski «Vardar», vienhierski «Debrecen» i izrailski «Chapael». Užo na hrupavoj stadyi byli histaryčnyja pieramohi nad «Lilem» i «Bavaryjaj».
U letniuju paŭzu ŭ BATE pryjšoŭ Alaksandr Hleb. Hałoŭnaja zorka ajčynnaha futbołu, nibyta zaradziła kamandu bolšaj upeŭnienaściu. Taksama ŭ Barysaŭ paśla
Dla naturalizavanaha brazilca Renana Bresana hod nibyta byŭ nie samym lohkim. U pačatku i naprykancy siezona jon siadzieŭ na łavie zapasnych. Ale zirnicie na statystyku Renana: 11 hałoŭ u čempijanacie (jašče moža pazmahacca za tytuł najlepšaha bambardzira) i 2 hały ŭ hrupie Lihi čempijonaŭ. Nie tak i kiepska.U čempijanacie pytańni źniatyja. Ale napieradzie zastajucca dźvie hulni Lihi čempijonaŭ. Užo 20 listapada na minskim «Dynama» BATE prymie «Lil». Navat minimalnaja paraza harantuje kamandzie Viktara Hančarenki praciah u Lizie Jeŭropy. Ale kali barysaŭcy marać pra bolšaje, to ziemlakoŭ Šarla de Hola pieramahać treba abaviazkova.
Srebra čempijanata Biełarusi zavajavaŭ «Šachcior». Bronza dastaniecca ci minskamu «Dynama» ci «Homielu». Nieviadomaja jašče kamanda, što budzie hulać u matčach na vyžyvańnie. Naŭprost z vyšejšaj lihi sioleta nichto nie vybyvaje. A mahiloŭski «Dniapro» zasłužyŭ na nastupny hod vystupać u kampanii najmacniejšych kamand krainy.
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa55
Kamientary