Mierkavańnie: biełaruski internet nie vykarystoŭvaje svajho patencyjału
1 kastryčnika 2012 interaktyŭnamu ahienctvu Red Graphic spaŭniajecca 20 hadoŭ.
Kampanija, zasnavanaja ŭ 1992 hodzie, adzin z najstarejšych hulcoŭ na rekłamnym rynku, adśviatkavała svoj dzień naradžeńnia 28 vieraśnia, pravioŭšy «Kreatyŭny padviačorak». U mierapryjemstvie ŭdzielničaŭ zasnavalnik ahienctva Siarhiej Vosipaŭ. Jon stajaŭ la vytokaŭ biełaruskaha internetu, zrabiŭ niepasredny ŭpłyŭ na jaho raźvićcio, a apošnim časam naziraŭ za tym, što adbyvajecca ŭ bajnecie, zboku.
Biznesoviec pavinšavaŭ supracoŭnikaŭ kampanii, a ŭ pierapynku adkazaŭ na niekalki pytańniaŭ Onliner.by.
Uspaminajučy pačatak prafiesijnaj dziejnaści Red Graphic, Siarhiej Vosipaŭ pakazaŭ samyja značnyja pracy kampanii, ź ironijaj acaniŭšy ich styl i jakaść vykanańnia. Zasnavalnik ahienctva adznačyŭ, što mnohija z raspracovak i siońnia hladziacca hodna, niahledziačy na ŭsie techničnyja składanaści, ź jakimi davodziłasia sutykacca ŭ minułym.
Ciapier Siarhiej Vosipaŭ pracuje nad prajektami dla rasijskaha rynku, adnak płanuje pašyryć śfieru dziejnaści na inšyja krainy — Biełaruś, Kazachstan i Ukrainu. Biełaruski rynak, ličyć jon, «mocna niedaacenieny».
«Jość rečy, jakija mianie ździŭlajuć. Naprykład, ździŭlaje vielmi maleńki pamier biełaruskaha rynku ŭ hrašach. Jon niesupastaŭna maleńki. Kali paraŭnoŭvać ź inšymi krainami, to možna skazać, što tolki Kazachstan, moža być, adstaje ad Biełarusi, tam praktyčna niama rekłamnaha rynku», — adznačyŭ jon.
Pavodle słovaŭ Vosipava,
zamiežnyja inviestary ź cikavaściu hladziać na biełaruski internet, adnak isnujuć peŭnyja ekanamičnyja, sacyjalnyja i inšyja pryčyny, jakija tarmoziać ich prychod siudy.«Im zdajecca, što rynak žudasna niedaacenieny, prapanujuć terminova inviestavać. Na ich dumku, budzie sapraŭdny bum, uźlot… Ale viedajučy znutry ŭsiu „kuchniu“, razumieješ: usio nie tak prosta, adnymi inviestycyjami sprava nie abmiažoŭvajecca. U toj ža čas bajnet — jak spružyna, jakaja pastupova raściahvajecca ŭsio bolš. Dalej jana moža strelić, a moža i saskočyć. Biełaruski internet prapanuje šyrokija mahčymaści zarabić, ale i vyklikaje bojaź stracić hrošy», — ličyć zasnavalnik Red Graphic.
«Ja analizavaŭ rynki Biełarusi, Kazachstana i Ukrainy. Pamier — pieršaje, što kidajecca ŭ vočy. Razmaŭlaješ ź miascovymi placoŭkami, chto choć niejkuju rekłamu pradaje. Havorka idzie pra mizernyja sumy, jany niesupastaŭnyja z abjomam aŭdytoryi. Nie moža taki abjom ludziej spažyvać taki maleńki abjom rekłamy. Ja nijak nie mahu sabie hetaha rastłumačyć. Jość zahadka, jakoj ja pakul nie razhadaŭ», — adznačyŭ biznesoviec.
Na jaho dumku, prablema ŭ niedastatkovaj kolkaści rekłamadaŭcaŭ i, jak vyniku, hrošaj u haliny.«Bajnet nahadvaje mnie runet piacihadovaj daŭniny. Dla ludziej, nie źviazanych ź internetam, jak biznes jon źjaviŭsia adrazu paśla kryzisu, jaki ŭdaryŭ pa ŭsich starych miedyjach: rekłama na telebačańni ŭpała troški, radyjo apynułasia praktyčna na padłozie, abjomy drukavanaj pradukcyi źnizilisia ŭ dva razy, a internet — nie. Upaŭ, ale za paru hadoŭ značna adyhraŭsia. Usie zrazumieli, što pa abjomach achopu jon nabližajecca da „kłasičnych“ miedyjaŭ, i pačali ŭkładvać u jaho hrošy. U Biełarusi ŭ niejki momant razumieńnie takoha stanu rečaŭ taksama pavinnaje pryjści», — ličyć Vosipaŭ.
Kamientujučy źmieny za minułyja piać hadoŭ, jon zajaviŭ:
«Mnie zdajecca, što za piać hadoŭ ničoha asablivaha nie adbyłosia. Bajnet jak byŭ polem, na jakim patencyjna moža niešta vyraści, tak i zastaŭsia ŭ tym ža stanie.Navat prablema pravajdaraŭ zastałasia — pra narmalny „anlim“ za 10 baksaŭ tut možna tolki maryć, jak ja razumieju? I „Biełtelekam“ zastaŭsia? Nijakaha bumu startapaŭ, jak va ŭsim śviecie i ŭ runecie u tym liku, tut nie było. Mnohija biełaruskija placoŭki zarablajuć svaje hrošy, ale pieraadoleć płanku samaakupnaści abo dasiahnuć prybytku, jaki dazvolić vyjści na biržu, jany nie mohuć. Bajnet
Kab častkova paŭpłyvać na stan rečaŭ, Siarhiej Vosipaŭ źbirajecca pačać «zavajovu» miascovaha internetu, pašyryŭšy paśpiachovy, pavodle jaho słovaŭ, rasijski biznes na Biełaruś.
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami4444
Kamientary