Nacyjanalnaja akademija navuk i Minenierha raspracoŭvajuć hetaje pytańnie.
Ministerstva enerhietyki razhladaje pytańnie budaŭnictva ŭ Biełarusi druhoj atamnaj elektrastancyi. Pra heta paviedamiŭ namieśnik ministra enerhietyki Michaił Michadziuk padčas onłajn-kanferencyi, arhanizavanaj ahienctvam BiełTA.
Jak paviedamiŭ čynoŭnik, Minenerha nastrojena detalova raspracavać hetaje pytańnie — uvažajučy i na ekanamičnaje stanovišča, jakoje składziecca ŭ krainie na momant zaviaršeńnia budaŭnictva pieršaj AES, i na perspektyvy pastavak enerhanośbitaŭ u Biełaruś, a taksama ich koštaŭ.
«Da hetaj temy nieabchodna rychtavacca, jana patrabuje pilnaj raspracoŭki, my budziem hetym zajmacca razam z Nacyjanalnaj akademijaj navuk Biełarusi i inšymi orhanami», — zajaviŭ Michaił Michadziuk.
Pavodle raniejšych aficyjnych paviedamleńniaŭ, padčas sustrečy z hieneralnym dyrektaram MAHATE, jakaja adbyłasia ŭ Miensku ŭ krasaviku 2012 hodu, Alaksandr Łukašenka zajaviŭ, što nie vyklučaje budaŭnictva ŭ Biełarusi druhoj atamnaj elektrastancyi.
Kamientary