Brytanskija ŚMI: Turecki samalot dapamahli źbić rasiejcy?

Rasijski techničny piersanał adyhraŭ klučavuju rolu ŭ pierachopie i źniščeńni tureckaha vajennaha samalota siłami supraćpavietranaj abarony Siryi 10 dzion tamu, havorycca ŭ artykule brytanskaj haziety Sunday Times.

Na dumku aŭtaraŭ artykuła, žurnalistaŭ Tyran Machnaimi i Haret Dženkins, jakija źbirali materyjały dla publikacyi ŭ Tel-Avivie i Stambule, hety pavarot moža značna pavysić staŭki ŭ siryjskim kanflikcie.

Zhodna z dypłamatyčnymi krynicami na Blizkim Uschodzie, rašeńnie źbić źniščalnik F-4 «Fantom» VPS Turcyi było pryniata za doli siekundy i jano stała papieradžalnym sihnałam dla NATA trymacca dalej ad hramadzianskaj vajny ŭ Siryi.

Jak havorycca ŭ artykule Sunday Times, dziakujučy pastaŭkam uzbrajeńniaŭ z Rasii, pačatak jakim byŭ pakładzieny jašče ŭ časy byłoha SSSR, Siryja maje prasunutuju sistemu SPA. Damask, pa słovach krynic u siryjskaj apazicyi, źjaŭlajecca apošnim siabram Uładzimira Pucina ŭ arabskim śviecie.

«Tut u najaŭnaści» adbitki palcaŭ» Rasiei, — skazaŭ dypłamat, na čyje słovy spasyłajecca Tyran Machnaimi. Pryčyny rašeńnia źbić samalot, krynica infarmacyi sumiruje tak:

«Siryja — heta nie Livija, i lubaja sproba ŭvieści nad Siryjaj zonu, zakrytuju dla palotaŭ, budzie sustretaja adnoj z samych mahutnych u śviecie sistem SPA i doraha abydziecca lubomu napadniku napadaje».

Hetaja ž krynica paviedamiła žurnalistu, što rasijskija śpiecyjalisty ŭdzielničali ŭ padrychtoŭcy siryjskich vajskoŭcaŭ, i niekatoryja z rasiejcaŭ da hetaha času dysłakavanyja ŭ centrach kantrolu SPA Siryi.

Pa słovach inšaj krynicy, supracoŭnika vajenna-pavietranych sił Izraila: «Nas nie ździvić kali hetyja rasijskija ekśpierty, navat kali jany i nie nacisnuli na knopku pusku, pa mienšaj miery byli ŭ hety momant pobač ź siryjskimi aficerami, jakija zrabili heta».

Sunday Times paviedamlaje pra toje, što źbity samalot lacieŭ biez supravadžeńnia i nie mieŭ na borcie bombaŭ, jaho ekipaž składaŭsia z dvuch piłotaŭ, ich vylet nie byŭ bajavym.

Akramia taho, u artykule paćviardžajecca, što źniščalnik parušyŭ siryjskuju pavietranuju prastoru, ale zrabiŭ heta «nienaŭmysna».

Sunday Times taksama nahadvaje pra vykazvańni tureckich vajskoŭcaŭ, pryviedzienych tureckaj hazietaj Hurriyet. Pavodle hetych krynicaŭ, vyviedka Turcyi prasłuchoŭvała pieramovy pamiž supracoŭnikami kamunikacyj SPA Siryi i čuła, što jany apaznali źniščalnik jak turecki.

U rasiejskich ŚMI paśla prahučała viersija ab tym, što turecki vajenny samalot praviaraŭ siryjskuju pavietranuju prastoru pa zapycie NATA.

Paviedamlałasia taksama, što Turcyja viała manitorynh siryjskaha radyjoefiru i inšych elektronnych kamunikacyj, pieradajučy ŭsiu hetuju infarmacyju siabram NATA.

Na dumku aŭtaraŭ artykuła, abiedźvie hetyja viersii całkam praŭdzivyja.

U «chałodnaj vajnie» ŚMI, jakaja razharnułasia paśla hetaha incydentu, prahučali i śćviardžeńni ab tym, što turecki źniščalnik byŭ źbity ruskimi.

Pra heta ŭ intervju adnamu ź miascovych telekanałaŭ zajaviŭ Masum Turkier, lidar adnoj z samych niešmatlikich palityčnych arhanizacyj Turcyi — partyi levych demakrataŭ. Jak adznačyŭ Turkier, rasiejskija vajenna-marskija siły nie dałučylisia da pošukaŭ ekipaža źbitaha samalota, paviedamlaje Sunday Times.

• 0
• 0
• 0
• 0
• 0
• 0
• 0
• 0