Tracina pryvatnikaŭ čakajuć u chutkim časie paharšeńnia situacyi ŭ ekanomicy
Bolš jak 35% pryvatnych subjektaŭ haspadarańnia čakajuć paharšeńnia situacyi ŭ ekanomicy Biełarusi ŭ chutkimi časie. Pra heta napres-kanfierencyi ŭ Minsku 19 červienia paviedamiŭ staršynia Minskaha staličnaha sajuza pradprymalnikaŭ i rabotadaŭcaŭ Uładzimir Karahin padčas prezientacyi indeksa dziełavoha aptymizu (IDA), jaki ŭ Biełarusi vymiaraŭsia ŭpieršyniu.
Karahin rastłumačyŭ, što indeks dziełavoha aptymizmu źjaŭlajecca subjektyŭnym adlustravańniem usprymańnia biźniesam ekanamičnych pracesaŭ. Pavodle jaho słoŭ, u apytańni ŭziali ŭdzieł 506 subjektaŭ pryvatnaha biźniesu — indyvidualnyja pradprymalniki, kiraŭniki małych, siarednich i bujnych pradpryjemstvaŭ. Respandentam było prapanavana acanić źmieny ŭ ekanomicy i ŭłasnym biźniesie, što adbylisia za apošnija paŭhoda, i acanić dalejšyja pierśpiektyvy. U vyniku daśledavańnia indeks dziełavoha aptymizmu skłaŭ usiaho 0,14.
Ekśpierty interpretavali atrymany pakazčyk jak «umierany skieptycyzm», pry jakim biźnies abraŭ stratehiju čakańnia.«Heta aznačaje, što mały i siaredni biźnies redka razhladaje płany pašyreńnia i vychadu na novyja rynki. Daminuje stratehija čakańnia, padčas jakoj pradprymalniki starajucca nie zvalniać rabotnikaŭ, nie pavialičvać daŭhavyja abaviazacielstvy i adnačasova zrabić bolš žorstkaj pracu z klijentami», — patłumačyŭ Karahin.
Pavodle jaho słoŭ, IDA śviedčyć, što pakul u pryvatnaha biźniesu niama radaści ad pierśpiektyŭ pracy ekanomiki. Zrešty, nie nazirajecca i mocnaha rasčaravańnia ciapierašnim stanam biźniesu ŭ svaim siehmiencie rynku.
Ekanamist Jarasłaŭ Ramančuk dadaŭ, što biźnies, zychodziačy z vynikaŭ apytańnia, čakaje dziejańniaŭ nie tolki ad urada, ale taksama ad kankurentaŭ, inviestaraŭ, kredytoraŭ. «Inviestycyj niama, niezrazumiełaja situacyja z pryvatyzacyjaj. Nie moža nie zakłapočvać i zapłanavanaje pavyšeńnie padatkaŭ, pra što ŭžo zajaŭlaŭ Minfin», — zaznačyŭ ekśpiert.
Pavodle słoŭ Ramančuka, daśledavańnie pakazała, što pakul jość dysanans pamiž žadańniami ŭrada palepšyć dziełavy klimat i vynikami dziejańniaŭ u hetym kirunku. U suviazi z hetym biźnies čakaje bolš surjoznych źmienaŭ stanu dziełavoha klimatu.
Płanujecca, što IDA budzie vymiaracca raz na paŭhoda. Druhoje daśledavańnie pryznačana na vierasień. Dziełavaja supolnaść, pavodle słoŭ Ramančuka, raźličvaje, što ŭrad dla raspracoŭki dalejšych dziejańniaŭ u častcy źmianieńnia dziełavoha asiarodździa budzie ŭličvać u tym liku i indeks dziełavoha aptymizmu.
«IDA ž aprača ŭsiaho — heta adzin z pakazčykaŭ efiektyŭnaści dziejnaści ŭrada. I, kali ŭrad aprača vałavych pakazčykaŭ nie budzie dabivacca palapšeńnia indeksa dziełavoha aptymizmu, značyć, jon drenna pracuje na padtrymku nacyjanalnaha biźniesu», — zrabiŭ vysnovu Ramančuk.
Anžaliku Mielnikavu bačyli ŭ Minsku ŭ «Dana Mole»53
Kamientary