Pryčynaj abvastreńnia situacyi na RUVP «Hranit» u mnohim pasłužyła staŭleńnie kiraŭnikoŭ da svaich padnačalenych,zajaviŭ staršynia Fiederacyi prafsajuzaŭ Biełarusi Leanid Kozik, padvodziačy vyniki svajho vizitu na pradpryjemstva, jakoje jon naviedaŭ pa daručeńni Alaksandra Łukašenki.
Leanid Kozik 16–17 maja sustrakaŭsia z pracoŭnymi kalektyvami horada Mikaševičy, pravodziŭ pryjom hramadzian pa asabistych pytańniach.
Padvodziačy vyniki rabočaha vizitu, staršynia FPB skazaŭ, što situacyja na RUVP «Hranit» stabilnaja. «Biezumoŭna, tut jość šerah niavyrašanych prablem.
Razmova, u pryvatnaści, idzie ab zarobkach. Pa šerahu prafiesij jana davoli nizkaja. Heta, viadoma ž, niedapuščalna na takim pradpryjemstvie.Ja ŭpeŭnieny, što mahčymaść pavysić zarpłaty jość», — adznačyŭ jon.
Leanid Kozik ličyć, što pryčynaj abvastreńnia situacyi na pradpryjemstvie šmat u čym pasłužyła staŭleńnie kiraŭnikoŭ da svaich padnačalenych. «Sustrakajučysia z rabočymi, ja nieadnarazova čuŭ ad ich skarhi na niekatorych z kiraŭnikoŭ strukturnych padraździaleńniaŭ. Toje, jak dazvalaje sabie adnosicca da ludziej adzin ź ich, vychodzić daloka za ramki pravił prystojnaści. Źnievažalnyja i niecenzurnyja vykazvańni — voś jaho styl kiravańnia», — dadaŭ staršynia FPB. Leanid Kozik u prysutnaści pracoŭnaha kalektyvu zapatrabavaŭ ad kiraŭnika pradpryjemstva razabracca sa svaimi padnačalenymi. «Kali ŭ bližejšy čas hetaha nie adbudziecca, ja asabista pastaŭlu heta pytańnie pierad ministram. Nikomu nie dazvolena ŭ takim klučy razmaŭlać ź ludźmi. Kiraŭnik pavinien być prykładam i dziejničać u ramkach zakanadaŭstva», — reziumavaŭ Leanid Kozik.
Ciapier čytajuć
Vyzvaleny palitviazień Mikita Jemialjanaŭ — u svaje 26 hadoŭ daviedzieny da vielmi ciažkaha stanu zdaroŭja1
Vyzvaleny palitviazień Mikita Jemialjanaŭ — u svaje 26 hadoŭ daviedzieny da vielmi ciažkaha stanu zdaroŭja
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary