Udzielniki prajechali praz uvieś horad pad bieł-čyrvona-biełymi ściahami.
Udzielniki akcyi z prymacavanymi da rovaraŭ bieł-čyrvona-biełymi ściahami prajechali ad centru Varšavy da vulicy Paryskaj, dzie 10 maja 1940 hoda zahinuŭ Bułak-Bałachovič. Miarkujecca, što zabity jon byŭ ahientami hiestapa. Na tym miescy znachodzicca miemaryjalnaja šylda ŭ honar hienierała, kala jakoj udzielniki akcyi pastavili biełyja i čyrvonyja źničy.
Potym praz uvieś horad kałona skiravałasia na mohiłki Pavonzki, dzie znachodzicca simvaličnaja mahiła Bułak-Bałachoviča, bo jahonaha cieła tak i nie znajšli. Kala jaje ŭdzielniki akcyi taksama zapalili źničy i ŭskłali kvietki.
Inicyjataram mierapryjemstva vystupiła "Biełaruskaja Nacyjanalnaja Pamiać". Arhanizacyja ŭžo treci hod zapar ładzić rovarny rejd pamiaci pa varšaŭskich miescach, źviazanych ź imiem lehiendarnaha pałkavodca.
Nahadajem, što Bułak-Bałachovič u Pieršuju suśvietnuju vajnu kamandavaŭ dyviersijnym adździełam carskaha vojska. Paśla słužyŭ u Čyrvonaj Armii, syšoŭ ź jaje i vajavaŭ suprać balšavikoŭ u Estonii. Paźniej pierajšoŭ pad kamandavańnie Uradu BNR.
U listapadzie 1920 hoda Bułak-Bałachovič abviaściŭ u Mazyry "niezaležnuju biełaruskuju dziaržavu", ale nieŭzabavie jaho armija była raźbitaja Čyrvonaj Armijaj i adyšła ŭ Polšču.
Kamientary