Ułady nie bačać patreby ŭ znachodžańni ŭ Biełarusi pasłoŭ Jeŭrasajuza.
«Biełaruski bok škaduje ab pryniatym Savietam Jeŭrasajuza rašeńni ab uviadzieńni dadatkovych sankcyj u dačynieńni da šerahu biełaruskich hramadzian i pradpryjemstvaŭ. Hety krok jašče bolš addalaje pierśpiektyvy narmalizacyi adnosin i adnaŭleńnia dyjałohu pa adčuvalnych dla bakoŭ temach.
Jeŭrapiejskija palityki znachodziacca ŭ pałonie kanfliktnaha myśleńnia, jany zastajucca zakładnikami łohiki prymusu i šantažu.
My vymušany nieadkładna prystupić da realizacyi kompleksu mier reahavańnia. Ab takoj mahčymaści našy jeŭrapiejskija partniory byli zahadzia pastaŭleny ŭ viadomaść.
U siońniašnich umovach biełaruski bok nie bačyć nieabchodnaści ŭ prysutnaści na terytoryi Biełarusi adklikanych pasłoŭ dziaržaŭ, jakija prahałasavali za hetaje rašeńnie», — havorycca ŭ siońniašniaj zajavie MZS.
Kamientary