«Hazpram» hatovy razhledzieć mahčymaści supracoŭnictva ŭ elektraenierhietycy
AAT «Hazprom» hatova razhledzieć mahčymaści supracoŭnictva ź Biełaruśsiu ŭ śfiery elektraenierhii, paviedamiŭ 23 sakavika žurnalistam u Minsku namieśnik staršyni praŭleńnia «Hazproma» Andrej Kruhłoŭ.
«Heta naš profilny biźnies. Pryniata rašeńnie ab tym, što naohuł usia enierhietyka i elektraenierhietyka dla nas źjaŭlajucca profilnym vidam dziejnaści. I my heta bačym jak bolš vysoki pieradzieł našaj pradukcyi, heta značyć hazu, i transfarmacyi hazu ŭ elektraenierhiju», — rastłumačyŭ namieśnik kiraŭnika «Hazproma».
Što da «Biełtranshaza», praciahnuŭ Kruhłoŭ, to tam zaraz ukaraniajucca ŭsie karparatyŭnyja normy «Hazproma», jakija isnujuć i ŭ častcy sacyjalnaha zabieśpiačeńnia, i ŭ častcy zarabotnaj płaty.
Uzrovień zarpłat u «Biełtranshazie», adznačyŭ Kruhłoŭ, adpaviadaje ŭzroŭniu zarpłat daččynych tavarystvaŭ «Hazproma» pa transpartavańni hazu, raźmieščanych u zachodnich i
Jak paviedamlałasia raniej, u kancy listapada 2011 hoda «Hazprom» kupiŭ 50% akcyj «Biełtranshaza» za 2,5 młrd. dołaraŭ, davioŭšy svaju dolu ŭ pradpryjemstvie da 100%. Uzamien Biełaruś atrymała skidku na haz sioleta i padpisała kantrakt na pastaŭki hazu ŭ 2012–2014 hadach. Siaredniehadavaja cana hazu ŭ 2012 hodzie składzie 165,6 dołara za tysiaču kubamietraŭ. Pry hetym «Hazprom» pryniaŭ rašeńnie pierajmienavać kampaniju «Biełtranshaz» u «Hazprom transhaz Biełaruś».
Kamientary