Pra heta paviedamiŭ pieršy namieśnik ministra pracy i sacyjalnaj abarony Piotr Hrušnik na sumiesnaj online kanfierencyi na sajtach BiełTA i ministerstva.
Adzin z respandentaŭ cikaviŭsia, kali na prykładzie jeŭrapiejskich krain biełaruskich tataŭ abaviažuć brać adpačynak pa dohladzie za małym. Adkazvajučy na hetaje pytańnie, Piotr Hrušnik adznačyŭ:
«Adpačynak pa dohladzie dziciaci va ŭzroście da troch hadoŭ — reč dobraachvotnaja, heta prava siońnia dadziena jak baćku, tak i maci — siamja sama pavinna vyznačyć, chto faktyčna budzie ažyćciaŭlać dohlad dziciaci».
Pieršy namieśnik ministra dadaŭ, što siońnia bolš za 2 tys. baćkoŭ znachodziacca ŭ vodpusku pa dohladu za dziciem va ŭzroście da troch hadoŭ.
Infarmacyja pra kolkaść zastrachavanych asob, jakija ažyćciaŭlajuć dohlad dziciaci va ŭzroście da troch hadoŭ, pradstaŭlajecca Fondam sacyjalnaj abarony nasielnictva na padstavie źviestak piersanifikavanaha ŭliku. Źviestak za 2011 hod jašče niama. Pavodle infarmacyi za 2010 hod, dohlad za dziciom va ŭzroście da 3 hadoŭ ažyćciaŭlali 2 tys. 367 tataŭ, 65 dziadulaŭ i 357 babulaŭ.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary