Ludzi nie mahli źniać najaŭnyja i raźličycca kartkaj u kramach.
Karespandenty «Našaj Nivy» paviedamlajuć, što ŭviečary ŭ centry horada pierastali pracavać bankamaty. Takija prablemy nazirajucca ŭ rajonie stancyj mietro «Uschod» i «Płošča Pieramohi», a taksama na Płoščy Niezaležnaści.
Anałahičnaja infarmacyja pryjšła ad naviedvalnikaŭ kramy «Jeŭraopt» kala płoščy Jakuba Kołasa i CUMa i z hipiermarkietaŭ. Paźniej anałahičnaja infarmacyja stała nadychodzić i z rehijonaŭ.
Ludzi nie mahli źniać najaŭnyja i raźličycca kartkaj u kramach.
Pryčyny ŭdakładniajucca. U dziažurnaj słužby «Bankaŭskaha pracesinhavaha centru», jaki absłuhoŭvaje bankamaty i infakijoski krainy, paviedamili,
što nijakich prablem nie zaŭvažana.«Heta bankaŭskaja tajamnica», — paviedamiła apieratarka Śviatłana. Adnak vybačeńni ad imia kampanii apieratarka pryniesła, «za toje, što zdaryłasia». Adnak što zdaryłasia, udakładnić admoviłasia.
Pa apošniaj infarmacyi, bankamaty pačynajuć pracavać, ale vielmi pavolna. Našamu karespandentu ŭdałosia źniać hrošy ŭ bankamacie na stancyi mietro «Uschod».
U subotu bolšaść bankamataŭ Minska zapracavała.Kali ŭčora pozna viečaram hrošy možna było źniać, ale pracavali bankamaty vielmi pavolna, to siońnia jany pracujuć u zvykłym režymie. Pradstaŭniki «Biełarusbanka» adznačyli, što prablema ŭźnikła ŭ «Bankaŭskim pracesinhavym centry». Dziažurnyja centra infarmacyju admaŭlali, adnak papiaredžvali, što raniej za paniadziełak prablema moža nie vyrašycca.
Aficyjnyja kamientary ad kiraŭnictva «Bankaŭskaha pracesinhavaha centru» čakajcie ŭ paniadziełak.
* * *
Takaja ž situacyja była piać miesiacaŭ tamu, 24 sakavika 2011 hoda. Jak vyśvietliłasia, tady «Bankaŭski pracesinhavy centr» pravodziŭ zahadkavyja prafiłaktyčnyja pracy.
Ciapier čytajuć
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary