Hienieralny dyrektar zavoda BATE i kiraŭnik praŭleńnie adnaimiennaha futbolnaha kłuba vykazaŭsia adnosna ekanamičnaha kryzisa ŭ krainie.
Hienieralny dyrektar zavoda BATE i kiraŭnik praŭleńnie adnaimiennaha futbolnaha kłuba Anatol Kapski vykazaŭsia adnosna ekanamičnaha kryzisa ŭ krainie. Hetyja słovy prahučali ŭ efiry NETradio.
«Davajcie kazać ščyra, peŭnyja pierakosy ŭ ekanomicy ŭ nas byli — heta fakt. Samaja vialikaja prablema ŭ čym? My nie navučylisia zarablać. My zvyklisia atrymlivać. U nas ža da peŭnaha času kiraŭnikam nielha było nazyvać rečy svaimi imionami. U zarobak ros chutčej, čym vytvorčaść. Vielmi mała davieru moładzi. Mała ŭkładvajem u hetuju moładź, u płanie ŭkładvańnia ŭ jaje adukacyju mižnarodnych standartaŭ. Ničoha nie treba vydumvać. U płanie biznesa, ekanomiki ŭsio ŭžo vydumana da nas. Tak u nas była sacyjalnaja aryjentavanaść, spadziajusia i budzie, u ekanomicy. Ale daminantaj pavinien być zarobak. I tracić treba z zaroblenaha.
Z punktu pohladu valutnaj stabilizacyi, pakul toj kurs, jaki dekłarujecca, nievidavočny. Jość napružanaść z nabyćciom valuty. U nas jość pradpryjemstvy, što absalutna nie adčuli kryzisa. Hetyja, što vyrablajuć zapatrabavanuju pradukcyju na ekspart. Ale jość i inšyja pradpryjemstvy. Dla zavoda BATE situacyja nie samaja kiepskaja. Na moj pohlad, devalvacyja pavinna być stupieńčataja. Siońnia na samym vysokim uzroŭni skazali, što prablemy ŭźnikli praz farmuliroŭki, jakija ŭ svajoj pracy vykarystoŭvaŭ Nacbank. Jak jano było nasamreč — vialikaja palityka, vialikaja ekanomika. Z punktu hledžańnia kiravańnia ekanomikaj my daloka nie na pieradavych pazicyjach».
Ciapier čytajuć
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca10
Kamientary