Vypadak zdaryŭsia ŭ niadzielu ŭ Syčavičach Maładziečanskaha rajona.
Dvuch chłopčykaŭ, jakija tanuli 17 lipienia ŭ rečcy Rybčanka, što kala vioski Syčavičy Maładziečanskaha rajona, vyciahnuŭ z vady 17-hadovy Alaksiej Kozieł, žychar Hraničaŭ.
Sprava była tak: dva chłopčyki 15 i 12 hadoŭ i 12-hadovaja dziaŭčynka, žychary Minska i Minskaha rajona, na kanikułach adpačyvali ŭ babul i dziadulaŭ. U niadzielu pajšli hulać na Rybčanku. Dzieci vyrašyli pierajści rečku praz apuščanyja šluzy damby.
Mienšy chłopčyk nie ŭtrymaŭsia na nahach, paśliznuŭsia i ŭpaŭ u vadu. Bolšy kinuŭsia jaho ratavać,
ale vypłyć nie mahli ni adzin, ni druhi. Dziaŭčynka, jakaja zastałasia na šluzie, pačała kryčać i klikać na dapamohu. Ludzi, jakija adpačyvali na bierazie, pazvanili vyratavalnikam, a adna dziaŭčyna patelefanavała svajmu znajomamu Alaksieju Koziełu, jaki znachodziŭsia ŭ Syčavičach.
Užo praz try chviliny Alaksiej, jaki pryimčaŭsia chutčej za ratavalnikaŭ, byŭ na miescy i vyciahnuŭ z vady paciarpiełych.
Ciapier ich žyćciu ničoha nie pahražaje.
Ciapier čytajuć
Mikoła Statkievič pavinšavaŭ biełarusaŭ z Dniom Voli, zapisaŭšy pieršaje VIDEA paśla vyzvaleńnia1
Kamientary