Staršynia Biełstata Uładzimir Zinoŭski vinavacić u hetym prablemy na valutnym rynku.
Praz prablemy na valutnym rynku 600 tysiač rabotnikaŭ pa ŭsioj krainie časova prypynili svaju dziejnaść. Z takoj zajavaj vystupiŭ staršynia Nacyjanalnaha statystyčnaha kamiteta Biełarusi (Biełstata), staršynia Rady pa raźvićci pradprymalnictva Uładzimir Zinoŭski.
«Jak staršynia Biełstata ja infarmuju vas, što
za apošni čas 600 tysiač rabotnikaŭ u realnym siektary ekanomiki prypynili svaju dziejnaść pa inicyjatyvie najmalnikaŭ i kiraŭnikoŭ pradpryjemstvaŭ, tamu što adčuvajecca niedachop syraviny dla vytvorčaści», —zajaviŭ Zinoŭski na kanfierencyi pa pytańniach libieralizacyi biełaruskaj ekanomiki ŭ čaćvier u Minsku.
Jon rastłumačyŭ, što heta źviazana, u tym liku, i «z kursavymi pytańniami».
«Pytańnie hetaje, biezumoŭna, vyrašycca, i davoli chutka, tamu što heta nielha zaciahvać», — skazaŭ kiraŭnik Biełstata.Jon dadaŭ, što pytańni kursaŭtvareńnia turbujuć kožnaha biznesmena, jakija pracujuć ź impartnaj syravinaj ci pastaŭlajuć svaju pradukcyju na ekspart.
Pa acency Ministerstva ekanomiki, kolkaść zaniatych u ekanomicy ŭ 2011 hodzie pavinna była skłaści 4,7 miljona čałaviek. 600 tysiač ź ich — heta bolš za 12% čałaviek.
Zajava Zinoŭskaha moža aznačać, što pramysłovaje łobi dabivajecca devalvacyi, napierakor Łukašenku. Jany pałochajuć jaho tym, čaho jon najbolš baicca — biespracoŭjem.
-
Biełarusam Alenie i Krystafu, u jakich u Varšavie zhareła arendnaja kvatera, za dzień sabrali bolš za $16 tysiač
-
Biełarus, jakomu zabaranili ŭjazdžać u Jeŭropu, znajšoŭ chitry sposab, jak heta abyści
-
Śpiecyjalisty patłumačyli, nakolki niebiaśpiečnyja masty i puciepravody, chiby jakich pakazvajuć u internecie
Kamientary