Žycharam stalicy heta zusim nie padabajecca.
Žychary damoŭ na vulicy Załataja horka pratestujuć suprać rubki drevaŭ u dvarach. Śpiłavać 17 drevaŭ roznych parod płanavałasia siońnia ŭranku, ale žychary susiednich damoŭ nie dali raspačać piłavańnie.
Na miescy, dzie zaraz rastuć drevy, majuć pabudavać aŭtastajanku, a taksama baskietbolnuju placoŭku — pry hetym całkam źniknie staraja lipavaja aleja. Zaraz žychary rasklejvajuć na drevach listoŭki: «Heta dreva chočuć zrubić. Vy zhodnyja?» Na drevach śviatlejuć zarubki — mienavita tak pracoŭnyja «paznačyli» patrebnyja drevy.
Spadar Uładzimir Kudrycki, jaki raskleiŭ listoŭki, patłumačyŭ «NN» sutnaść «akcyi».
«Tut drevy ŭnikalnyja, 20 ci 30 roznych parod, ludzi sami sadžali paśla vajny. Tut i jasieni, i klony, i lipy — čaho tut tolki niama. Jość nachilenaje dreva — jaho ad niečaha ličać niebiaśpiečnym, a dreva ž treba jašče vyraścić tak, kab jano nachiliłasia.Kamu tut treba stajanka dla mašyn? Voś my razdrukavali abjaŭki, viešajem ich na drevy — kab ludzi viedali, što adbyvajecca. Heta ž tolki pačatak — zaraz 17 drevaŭ, a paśla astatnija U susiednim dvary ŭžo vyrazili pałovu skvieru, i kali b ludzi nie spynili, jany b i astatniaje śpiłavali. Lepš niachaj budzie čystaje pavietra, čym stajanka. My ŭžo ŭ ŽREA chadzili, siońnia zranku vyrubku spynili, a ŭ dalejšym, kali spatrebicca, pojdziem u sud», — havoryć čałaviek.
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami4444
Kamientary