Na biadu sustrelisia biedny junak i hiercahinia. Jany nia roŭnia adzin adnamu. Praź piatnaccać hadoŭ zakachany hieroj viartajecca ŭ Imperyju jak iluzijanist Ejzenhajm. Jaho dzivosy nievierahodnyja – i hiercahinia adrazu kidajecca ŭ abdymki byłoha siabra.
Iluzijanist (Illusionist).
ZŠA–Čechija, 2006, kalarovy, 110 chv.
Žanr: drama pavodle ramanu Styvena Milhaŭzera.
Adznaka: 7 (z 10).
Na biadu sustrelisia biedny junak i hiercahinia. Jany nia roŭnia adzin adnamu. Praź piatnaccać hadoŭ zakachany hieroj viartajecca ŭ Imperyju jak iluzijanist Ejzenhajm. Jaho dzivosy nievierahodnyja – i hiercahinia adrazu kidajecca ŭ abdymki byłoha siabra.
Ale dziaŭčyna ŭžo zaručanaja z kronpryncam – i joj naležyć nie apošniaje miesca ŭ planavanym dziaržaŭnym pieravarocie. Hanarlivy prync nia moža dapuścić, kab sarvałasia madernizacyja aŭstra-vuhorskaj manarchii...
Film Niła Biorhiera – heta čary. Čary epochi z pałacami, kaciałkami, mundzirami, karunkami, žabrakami – i palityčnymi intryhami.
Heta čary kinematohrafu, na jaki vielmi padobnyja śpirytyčnyja seansy Ejzenhajma. Vypalenyja sepijaj vulicy, čaraŭnik pad drevam, zdani dziaciej – i hladacki šok. Apelsinavaje dreva, jakoje vyrastaje na našych vačoch, vydresiravanyja matyli, imhnienny partret imperatara.
Čaraŭnik Edvart Nortan («Bajcoŭski klub») – strymana-tajamničy, śledčy (Poł Džamaci) – impetny j valavy, kronprync (Rufus Śjueł) – hanarliva-miarzotny, a zakachanaja hierainia (Džesyka Bił) – kopija Skarlet Jochansan.
«Iluzijanist» – heta čary lubovi. Strymanaj, pałkaj, cichaj. Jana zdolnaja čakać i prydumlivaja na vynachodnictvy.
Historyja maha i hiercahini ŭ niečym nahadvaje kachańnie Žyhimonta Aŭhusta j Barbary Radzivił. Ale raźviazka aŭstryjskaj dramy prymusić žančyn płakać ad radaści.
Dy tolki, kolki pradoŭžycca ščaście, zbudavanaje na hienijalnych iluzijach?
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary