Kaho vinavacić za Love Parade? Arhanizataraŭ, palicyju, ułady? A moža, stratu viery ŭ Boha? Piša Vital Taras.
19 zahinułych, kala 350 paranienych — heta niapoŭnyja vyniki subotniaj trahiedyi ŭ niamieckim Dujsburhu. Padčas fiestyvala muzyki Love Parade ad ciskaniny ŭ šmattysiačnym natoŭpie ŭsčałasia panika… Mižvoli ŭspomniłasia trahiedyja na Niamizie ŭ Miensku. 30 traŭnia 1999 hoda ŭ šturchaninie ŭ padziemnym pierachodzie mietro zahinuli 53 čałavieki. Ź ich — 42 dziaŭčyny.U Dujsburhu, jak i ŭ Miensku, absalutnaja bolšaść achviaraŭ — moładź ad 14 da 20 hadoŭ.
Adzinaccać hadoŭ tamu ŭ stalicy Biełarusi taksama prachodziła śviata (jakoje supała z pravasłaŭnaj Siomuchaj) z udziełam muzykaŭ. Arhanizatarami vystupili brovar"Alivaryja» i haradskija ŭłady. Karotkaja navalnica ŭ rajonie Niamihi spyniła «śviata piva». Apošnim paśpieŭ pierad trahiedyjaj vystupić rasijski
Jość vidavočnaja roźnica pamiž toj trahiedyjaj i trahiedyjaj u Dujsburhu.
U Minsku zahinuła našmat bolš ludziej. Pry tym, što na feście ŭ Hiermanii sabralisia kala 1,4 miljona čałaviek. (Ničoha padobnaha ŭ Biełarusi nielha navat ujavić.)Haradskaja płošča kala byłoha čyhunačnaha vakzała ŭ Dujsburhu, dzie prachodziŭ kancert, u narmalnych umovach moža ŭmiaścić 250 tysiač čałaviek. U realnaści ludziej było našmat bolš. Kali palicyja, ratavalniki i chutkaja dapamoha pačali vyvozić paciarpiełych i trupy, pieravažnaja bolšaść udzielnikaŭ festa ničoha nie zaŭvažyła, i kancert praciahvaŭsia jašče šeść hadzin. (Heta nahadvaje inšaje nadzvyčajnaje zdareńnie ŭ Minsku, kali kancert z nahody 3 Lipienia praciahvaŭsia paśla taho, jak vybucham pakieta
U abodvuch vypadkach zahinuli junaki i dziaŭčyny.
U abodvuch vypadkach arhanizatary nie zadumvali ničoha błahoha. Fest muzyki techna šmat hadoŭ pravoziŭsia pad nazvaj Parad lubovi. Pieršy taki fest prajšoŭ u Bierlinie ŭ 1989 pad devizam «Mir, radaść, bliny!» Zasnavalnik Love Parade, viadomy jak Doktar Mote, kaža, što kancepcyja hetaha festu — supraćpastavić muzyku i skoki «zvadam i nianaviści ŭ našym hramadstvie».
I što ž… Takija vypadki nie adnojčy zdaralisia, i, jak heta ni žachliva, buduć zdaracca ŭ miescach masavaha zboru ludziej. Heta śviedčyć pra toje, što ludzi ŭ ekstremalnych situacyjach čaściakom pačynajuć kiravacca instynktam. A jon moža być i zhubnym. Zrešty, viadoma, što ŭ natoŭpie ciažka zastavacca čałaviekam. U natoŭpu svaje zakony.
Zrazumieła, zaŭždy chočacca znajści vinavatych u trahiedyi. Ale kaho tut vinavacić? Arhanizataraŭ, palicyju, ułady? A moža, usiu našu cyvilizacyju dy stratu viery ŭ Boha? Prynamsi, zaŭždy varta pamiatać, najpierš, pra canu žyćcia i śmierci.
A jašče razmova pra našu maralnuju adkaznaść i pra toje, jakija ŭroki my vynosim paśla kožnaj takoj trahiedyi. Arhanizatary Love Parade adrazu zajavili, što heta byŭ apošni fest. Pravodzić padobnyja śviaty ŭ budučyni było b ździekam nad pamiaćciu zahinułych.U Biełarusi trahiedyju
Niamihi-99 , kaniečnie, pamiatajuć. Ale piŭnyja dy roznaha rodu inšyja masavyja śviaty prachodziać rehularna pa ŭsioj krainie, časam biez daj pryčyny.
Jak było napisana na emblemach festu ŭ Dujsburhu — «Dance or Die!»
Skoki sa śmierciu praciahvajucca.
Kamientary