Čamu ciemnaskuryja chutčej biehajuć chutčej, a biełyja — płavajuć

Navukoŭcy znajšli tłumačeńnie taho, čamu ciemnaskuryja spartoŭcy zvyčajna biehajuć chutčej za pradstaŭnikoŭ biełaj rasy, ale płavajuć pavolniej za ich: usia sprava ŭ tym, što

ŭ pradstaŭnikoŭ roznych rasaŭ pa-roznamu raźmieščany centr ciažaru cieła.

Vyvučajučy śpis pieramožcaŭ čempijanataŭ śvietu i Alimpijskich hulniaŭ u biehavych i płavalnych dyscyplinach, lohka zaŭvažyć, što ŭ biehu ŭ asnoŭnym pieramahajuć ciemnaskuryja spartoŭcy, a ŭ płavańni — pradstaŭniki biełaj rasy. Apošnija letnija Alimpijskija hulni — nie źjaŭlajucca vyklučeńnie: u toj čas jak karalom biehavoha spryntu staŭ ciemnaskury Usejn Bołt ź Jamajki, u płavańni roŭnych nie było «blednatvaramu» amierykancu Majkłu Fełpsu. Mahčymaje tłumačeńnie hetaj tendencyi prapanavali amierykanskija navukoŭcy Edryjan Biežan z Univiersiteta Dziuka i Edvard Džons z Kornelskaha ŭniviersiteta. Cikava, što jany sami źjaŭlajucca pradstaŭnikami dźviuch roznych rasaŭ: Biežan — bieły, a Džons — ciemnaskury.

U svajoj pracy navukoŭcy śćviardžajuć, što roznyja pośpiechi ŭ biehu i płavańni ŭ ludziej z roznym koleram skury źviazany z tym, što ŭ ich pa-roznamu raźmieščany centr ciažaru cieła.

U ciemnaskurych ludziej centr ciažaru raźmieščany trochi vyšej, čym u biełych. Praŭda, hetaje adroźnieńnie chutčej nie rasavaje, a bijałahičnaje, i ŭźnikła jano pad uździejańniem kulturna-histaryčnych faktaraŭ.

«Isnuje ceły kompleks dokazaŭ taho, što jość vialikaje adroźnieńnie ciełaŭ u ludziej ź ciomnym i śvietłym koleram skury», — zajaviŭ Džons, jaki śpiecyjalizujecca na daśledavańni budovy cieła i faktaraŭ, jakija ŭpłyvajuć na jaje.

Navukoviec śćviardžaje, što kali chutki spryntar ź Jamajki, krain Afryki abo Kanady, u jaho amal napeŭna možna znajści prodkaŭ z Zachodniaj Afryki. Razam z tym, u bolšaści płyŭcoŭ prodki žyli ŭ Jeŭropie, i tamu jany pieravažna śvietłaskuryja. Pry hetym małaja kolkaść ciemnaskurych spartoŭcaŭ, jakija zajmajucca płavańniem, moža tłumačycca i tym, što da niadaŭniaha času ludzi ź ciomnym koleram skury z pryčyny svajho nizkaha sacyjalna-ekanamičnaha statusu nie mieli dostupu da płavalnych basiejnaŭ.

Takim čynam, usio zvodzicca da budovy cieła, a nie da samoj honki, śćviardžajuć navukoŭcy.

«Ciemnaskuryja, jak praviła, majuć bolš doŭhija kaniečnaści ź mienšym abchvatam, tamu pry adnolkavym roście ich centr ciažaru budzie vyšejšy ŭ paraŭnańni ź biełymi i azijatami, u jakich mahutnyja torsy», — kaža Edrian Biežan.

Roźnica ŭ raźmiaščeńni centra ciažaru pamiž ludźmi ź ciomnym i biełym kolerami skury składaje try adsotki, jak paličyli aŭtary pracy, jakaja apublikavanaja ŭ International Journal of Design and Nature and Ecodynamics. Hetaje značeńnie daje roźnicu ŭ chutkaści ŭ 1,5%, i hetaja roźnica dazvalaje ciemnaskurym pieramahać u biehu, a «blednatvarym» — u płavańni. Moža, 1,5% — heta i nievialikaja ličba, ale ŭ sporcie najvyšejšych dasiahnieńniaŭ, dzie značeńnie majuć doli siekundy, jana całkam moža surjoznaa paŭpłyvać na vyniki spabornictvaŭ.

Cikava, što centr ciažaru azijataŭ raźmieščany jašče bolš spryjalna dla chutkaha płavańnia, čym u biełych, ale, jak miarkujuć navukoŭcy, jany nie damahajucca surjoznych pośpiechaŭ u spabornictvach z pryčyny bolš nizkaha rostu.

«Ruch — heta bieśpierapynny praces padzieńnia čałavieka napierad, masa padaje, zatym padymajecca, — patłumačyŭ Endru Biežan. — Masa, jakaja padaje z bolšaj vyšyni, padaje chutčej. U biehu vyšynia „padzieńnia“ abumoŭlenaja centram ciažaru cieła. Dla chutkich płyŭcoŭ vialikija torsy dazvalajuć ciełu „padać“ dalej na mocnych i chutkich chvalach».

«Kali ja ros u Paŭdniovaj Karalinie, ja nie moh zajmacca płavańniem: heta było nie tak dastupna, jak hulnia ŭ futboł ci baskietboł, — uzhadvaje ciemnaskury navukoviec Edvard Džons svajo dziacinstva. — Ale pry pravilnym stymule ciemnaskuryja atlety mohuć damahčysia pośpiechu ŭ lubym sporcie, jak heta zrabili siostry Uiljams u tenisie abo Tajhier Vuds u holfie».

• 0
• 0
• 0
• 0
• 0
• 0
• 0
• 0