Zbornaja Biełarusi straciła ŭsie šancy na vychad u plej-of

Zbornaja Biełarusi (hałoŭny trenier - Eduard Zankaviec) straciła šancy na vychad u čverćfinał čempijanatu śvietu pa chakiei, niahledziačy na toje, što 16 maja vyjhrała ŭ haspadaroŭ spabornictvaŭ kamandy Niamieččyny ź likam 2:1. Reč u tym, što pieramoha była atrymanaja ŭ oviertajmie, a kab zachavać šancy na plej-of patrebna było pieramahać niemcaŭ u asnoŭny čas.

Matč prajšoŭ u Kiolnie. Zbornaja Biełarusi paviała ŭ liku na 8-j chvilinie – vyznačyŭsia Andrej Michaloŭ. Druhi pieryjad zakinutymi šajbami nie adznačyŭsia, a voś u trecim niemcy arhanizavali sapraŭdny šturm varot Andreja Miezina.

Za paŭtary chviliny da kanca treciaha pieryjada biełarusy mieli šaniec zrabić lik 2:0 i zachavać šancy na plej-of.

Michaił Hraboŭski vyjšaŭ adzin u adzin na Endrasa, ale pierajhrać niamieckaha hałkipiera nie zdoleŭ.

I tut spracavała niapisanaje praviła. Nie zabivaješ ty, zabivajuć tabie.

Niemcy źniali hałkipiera i za 53,9 siekundy da kanca pieryjada lik zraŭniali – vyznačyŭsia forvard «Kiolna» Marsel Miuler. Hety hoł i pastaviŭ kryž na našych šancach.

Za 14 siekundaŭ da skančeńnia oviertajma pieramožnuju šajbu zakinuŭ Alaksiej Kalužny – 2:1. Prynamsi pierarvanaja biazvyjhryšnaja sieryja z troch parazaŭ ad Słavakii (2:4), Rasii (1:3), Finlandyi (0:2).

Niahledziačy na pieramohu, Biełaruś nie maje šancaŭ na čverćfinał, bo pieramoha ŭ oviertajmie dała nam tolki dva bały, a nie try.

Maksimum kolki moža nabrać Biełaruś - 5 bałaŭ (kali pieramoža ŭ asnoŭny čas Daniju),

stolki pry lepšych našych prykidkach budzie ŭ Słavakii (kali taja prajhraje ŭ paniadziełak u asnoŭny čas Finlandyi, ale ŭ aŭtorak vyjhraje ŭ oviertajmie ŭ Niamieččyny), adnak Słavakii my prajhrali na papiarednim etapie. A pry roŭnaści bałaŭ hladziać matčy miž supiernikami.

Stanovišča ŭ hrupie «Je»:

Rasija – 12 punktaŭ (4 hulni), Finlandyja – 6 (3 hulni), Danija – 6 (4), Niamieččyna – 4 (4), Słavakija – 3 (3), Biełaruś – 2 (4).

Matčy ŭ našaj hrupie:

14 maja (piatnica): Danija – Słavakija – 6:0, Finlandyja – Biełaruś – 2:0
15 maja (subota): Rasija – Niamieččyna – 3:2
16 maja (niadziela): Rasija – Danija – 6:1, Biełaruś – Niamieččyna - 2:1 (OT).

17 maja (paniadziełak) hulajuć: Finlandyja – Słavakija (17:15), Biełaruś – Danija (21:15)
18 maja (aŭtorak): Niamieččyna – Słavakija, Rasija – Finlandyja.

U čverćfinał vychodziać čatyry najlepšyja kamandy z hrupy.

Biełarusam zastaŭsia adzin matč - z adkryćciom hetaha čempijanatu zbornaj Danii.

• 0
• 0
• 0
• 0
• 0
• 0
• 0
• 0