Volha Hapiejeva ŭkłała i pierakłała antałohiju nieryfmavanaj paezii dla dziaciej
Vydaviectva Skaryna Press anansavała vychad niezvyčajnaj knihi dla dziaciej — antałohija nieryfmavanaj paezii «Na puchnatych łapkach», układalnicaj, pierakładčycaj i ilustratarkaj jakoj vystupiła Volha Hapiejeva.
Kniha maje vyjści 27‑ha listapada, ale sihnalnyja asobniki možna budzie pahartać na fiestyvali «Pradmova» ŭ Varšavie, što projdzie 21‑24 listapada, piša bellit.info.
U knihu ŭvajšli pierakłady tvoraŭ roznych časoŭ z anhielskaj, japonskaj, niamieckaj, hišpanskaj i inšych moŭ.
Nieryfmavanyja vieršy — dobry antydot tamu strachu, jaki mnohija darosłyja vypracavali da paezii, bo ličać jaje zanadta ramantyčnaj ci składanaj dla razumieńnia spravaj..
«Na puchnatych łapkach» — pieršaja antałohija nieryfmavanaj paezii dla dziaciej, jakaja vychodzić pa-biełarusku. Tut sabrany vieršy aŭtarak i aŭtaraŭ z roznych krain i roznych časoŭ. Niekatoryja tvory byli admysłova napisany dla dziaciej, inšyja, mahčyma, nie zadumvalisia takimi, ale ichniaja tematyka robić ich zrazumiełymi dla małych čytačoŭ, pašyrajučy kruhahlad dziaciej u śviecie paetyčnaha słova.
Volha Hapiejeva — paetka, myślarka, pierakładčyca. Łaŭreatka mižnarodnych litaraturnych premij. Jaje tvory pierakładzienyja bolš čym na 15 movaŭ śvietu. Z 2019 hoda žyvie ŭ Aŭstryi i Niamieččynie, piša pa-biełarusku i pa-niamiecku.
Zamović knihu možna ŭžo ciapier na sajcie vydaviectva. Kniha vyjšła ŭ ramkach akcyi «33 knihi dla inšaj Biełarusi».
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy15
Kamientary