Vybary ŭ Niderłandach: libierały i ultrapravyja atrymlivajuć adnolkavuju kolkaść miescaŭ
Pavodle papiarednich vynikaŭ daterminovych parłamienckich vybaraŭ u Niderłandach, libieralnaja centrysckaja palityčnaja siła «Demakratyja 66» (D66) i ultravaja Partyja svabody (PVV) Hierta Viłdersa atrymlivajuć adnolkavuju kolkaść miescaŭ, paviedamlaje NOS.
Akramia taho, Narodnaja partyja za svabodu i demakratyju (VVD) atrymlivaje 22 miescy, Chryścijanska-demakratyčny zaklik (CDA) — 18 miescaŭ.
Prahnoz hruntujecca na 90,5% padadzienych hałasoŭ z 314 z 346 municypalitetaŭ. Roźnica pamiž D66 i PVV składaje nie bolš jak 6000 hałasoŭ na karyść libierałaŭ.
Jaŭka vybarščykaŭ skłała 78,4%, što krychu pieravyšaje pakaźnik papiarednich vybaraŭ 2023 hoda.
Kančatkovyja vyniki vybaraŭ stanuć viadomyja siońnia.
U Niderłandach učora prajšło hałasavańnie na daterminovych parłamienckich vybarach. Ich spravakavała rašeńnie lidara ultrapravaj Partyi svabody Hierta Viłdersa vyjści z čatyrochpartyjnaj kaalicyi praź niedastatkovyja, na jaho dumku, miery pa supraćdziejańni mihracyi.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary