Jaho ŭznačalvaje byłaja dyrektarka «Akademknihi» Sofja Antonaŭna Žybuleŭskaja.
5 krasavika na vulicy Kalinina, 5 rasčyniŭ svaje dźviery dla knihalubaŭ «Knižny sałon».
Klijentaŭ sustrakaje dyrektarka Sofja Antonaŭna Žybuleŭskaja, ź jakoj letam nie padoŭžyli kantrakta na pasadzie dyrektara «Akademknihi». Biez pracy hetaja daśviedčanaja kniharka nie zastałasia. Jaje adrazu zaprasili ačolić novy prajekt.
U bližejšych płanach kniharni pastavić kamputar dla ahulnaha karystańnia, kab kožny moh pryjści i pašukać u bazie patrebnuju knihu ci zamović u vypadku jaje adsutnaści. U chutkim časie źjavicca sajt «Knižnaha sałonu», dzie možna budzie aznajomicca z asartymientam kniharni ŭ režymie onłajn. Pa televizary płanujecca krucić filmy pra knižnaje mastactva, rekłamnyja roliki pra novyja knihi.
U «Knižnym sałonie» jość mahčymaść pasiadzieć i pahartać knihu. A ŭ chutkim časie płanujecca ładzić rehularnyja sustrečy z aŭtarami i vydaŭcami.
«Knižny sałon» na Kalinina, 5, što ŭvierch pa vulicy ad kramy «1000 drobiaziaŭ», vas rady vitać z 10 da 19 štodzień, u subotu da 18, vychodny — niadziela.
Ciapier čytajuć
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa65
Kamientary