Pa-biełarusku vyjšła kniha vybitnaha ŭkrainskaha postmadernista Juryja Izdryka
Vyjšła novaja kniha pierakładaŭ Juryja Izdryka na biełaruskuju movu — «Human Right». Viasnoj 2025-ha hodu aŭtar atrymaŭ Šaŭčenkaŭskuju premiju, najvyšejšuju va Ukrainie dziaržaŭnuju ŭznaharodu ŭ halinie kultury i mastactva. Ciapier vydaviectvam Hochroth Minsk była vydadzienaja zborka najlepšych vieršaŭ paeta pa-biełarusku.
Biełaruskaje vydańnie padrychtavali Aleś Płotka i Natalla Rusieckaja.
«Papiaredniaja kniha Izdryka pa-biełarusku, «Papiarosy», daŭno stała rarytetam. Častka była vyviezienaja i adrazu raspradałasia, častka była represavanaja razam ź inšymi knihami vydaviectva «Halijafy». Ideja novaha vydańnia łunała ŭ pavietry, ale Šaŭčenkaŭka stała dobraj nahodaj, kab prajekt zaviaršyć. Dziakujučy supierzładžanaj pracy ŭsioj kamandy, ciapier my majem nie tolki knihu Izdryka, jakuju možna nabyć, a nie šukać pa siabrach, ale i vielmi cikavaje vydańnie, pracu dvuch pierakładčykaŭ, bipalarnuju interpretacyju aŭtara pa-biełarusku», — raspavioŭ Aleś Płotka, pierakładčyk i ŭkładalnik knihi.
Jury Izdryk (nar. 1962) — ukrainski piśmieńnik, mastak, muzykant, kulturołah. Vybitny pradstaŭnik ukrainskaha postmadernizmu. Łaŭreat šerahu premiĭ, u tym liku Nacyjanalnaĭ premii Ukrainy imia Tarasa Šaŭčenki (2025). Zasnavalnik lehiendarnaha litaraturnaha časopisa «Čietvier». Aŭtar viadomych ramanaŭ «Voćciech» (1996) i «AMTM» (2004) i inš., a taksama vieršaŭ.
Zamović knihu možna na sajcie vydaviectva.
Ciapier čytajuć
Azaraŭ zakryŭ płan «Pieramoha» i pieravioŭ usich udzielnikaŭ u rezierv7
Azaraŭ zakryŭ płan «Pieramoha» i pieravioŭ usich udzielnikaŭ u rezierv
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1010
Kamientary