Školnaja forma ŭ novym navučalnym hodzie budzie kaštavać ad 270 rubloŭ. Pra heta paviedamiła na pres-kanfierencyi staršynia kancerna «Biellehpram» Taćciana Łuhina.
— My ŭžo manitoryli kamplektnaść u hetym hodzie. Dumaju, košt budzie niedzie ad 270 rubloŭ. Zrazumieła, što dyjapazon cen rozny, ale za 350 rubloŭ, dumaju, možna budzie apranuć dzicia całkam. Praŭda, biez partfiela, ale adzieńnie možna budzie nabyć, — skazała Taćciana Łuhina.
Pavodle jaje słoŭ, adzinaj školnaj formy ŭ 2025—2026 navučalnym hodzie nie budzie — tolki rekamiendavanyja madeli dla chłopčykaŭ i dziaŭčynak.
— Toje, što nie budzie adzinych madelaŭ abo niejkich kankretnych siłuetaŭ, kanstrukcyj — heta adnaznačna ŭ hetym hodzie. Budzie prosta nabor rekamiendacyj, u ramkach jakich samo navučalnaje zaviadzieńnie pavinna łakalna prymać niejki režym pracy, — dadała Taćciana Łuhina.
Pradpryjemstvy «Biellehprama» ŭžo pašyli bolš za miljon adzinak pradukcyi dla školnikaŭ da novaha navučalnaha hoda. Ale kali spatrebicca, buduć vypuskać jašče — časam papularnyja madeli dašyvajuć jašče i ŭ vieraśni.
-
Litva paličyła fihuranta rasśledavańnia «Našaj Nivy» Skindzierava pahrozaj nacyjanalnaj biaśpiecy i źbirajecca pazbavić statusu ŭciekača
-
U pryhraničnych Lelčycach vučylisia razhortvać ruchomyja punkty charčavańnia i rečavaha zabieśpiačeńnia
-
U Viciebsku na piešachodnym pierachodzie pastavili niezvyčajnyja słupki. Jak jany pracujuć?
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary