Kasirka banka adhavaryła minčanku ad pieravodu machlaram. Ale jany ŭsie roŭna padmanuli
Minčanku sprabavali raźvieści na hrošy dvojčy za adzin dzień. Spačatku jana pavieryła, što jaje dadzienymi zavałodali ašukancy, i pieraviała sa svajoj karty na «biaśpiečny» rachunak 2000 dalaraŭ, piša Onliner.by.
Potym piensijanierku pierakanali, što złačyncy aformili na jaje imia kredyt. Kab anulavać jaho, treba pakłaści na rachunak 10 tysiač rubloŭ.
Piensijanierka ŭziała ich u doŭh u siabroŭki, ale kasirka ŭ banku adhavaryła jaje ad tranzakcyi i vyklikała milicyju. Supracoŭniki patłumačyli piensijaniercy, što jana stała achviaraj machlaroŭ.
Ale na hetym historyja nie skončyłasia. Žančyna viarnułasia dadomu, i joj patelefanavali jašče raz. Ciapier ašukancy zapatrabavali asabista pryvieźci im hrošy, jakija jana nie zmahła zadekłaravać, i dapamahčy jašče adnamu mužčynu, jaki akazaŭsia ŭ takoj ža situacyi.
Minčanka pavieryła, źjeździła na ciahniku ŭ susiedniuju krainu i addała kurjeru bolš za 10 tysiač rubloŭ.
Zaviedziena kryminalnaja sprava.
Ciapier čytajuć
«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ7
Kamientary