Hramadstva2020

Mierkavanaja dačka Łukašenki Kryścina Mocnaja apublikavała svajo sełfi na trybunie padčas parada

Zvyčajna Kryścina Mocnaja ŭ sacyjalnych sietkach nie pościć čahości ideałahičnaha. Ale ž siońnia jana vyrašyła raspavieści, što schadziła na parad — i miesca ŭ jaje było siarod čynoŭnikaŭ i pryhažuń.

Nahadajem: pra toje, što ŭ Alaksandra Łukašenki jość pazašlubnaja dačka ad jaho byłoj cyrulnicy, letaś raspaviało ŭ svaim rasśledavańni «Biuro». Śniažana Mocnaja naradziła dziaŭčynku Kryścinu, jakoj dastalisia imia pa baćku ad baćki i proźvišča ad maci.

Ciapier Kryścinie 25 hadoŭ, jana skončyła Minski dziaržaŭny linhvistyčny ŭniviersitet (jak i jaje maci), ale znajšła siabie ŭ hrafičnym dyzajnie i pracuje jak fryłansierka.

Zvyčajny kantent dziaŭčyny ŭ sacyjalnych sietkach maksimalna daloki ad ideałohii i palityki. Jana lubić raspaviadać pra kaviarni i smačnuju kavu, cikavyja mastackija vystaŭki i dyzajn. Lubyja dziaržaŭnyja mierapryjemstvy Kryścina zvyčajna ihnaruje.

Ale siońnia dziaŭčyna vyrašyła pakazać padpisčykam, što ŭčora naviedała parad Pieramohi ŭ Minsku. Zaprašeńnie joj dastałasia na salidnaje miesca — na trybunu A.

Kryścina Mocnaja na paradzie. Fota ź jaje sacsietak

Usiaho na paradzie byli praduhledžany čatyry trybuny pad dacham, jakija ŭstalavali nasuprać hałoŭnaj sceny: A, Aa, B i Bb.

Trybuna B była asnoŭnaj: tam znachodziŭsia sam Łukašenka z najbolš hanarovymi ŭdzielnikami kštałtu staršyni Savietu Respubliki Natalli Kačanavaj i kaśmičnaj turystki Maryny Vasileŭskaj.

Na trybunu Aa ŭ asnoŭnym pasadzili ludziej stałaha ŭzrostu ź miedalami.

Pazašlubnamu synu palityka Kolu Łukašenku dastałasia miesca zboku trybuny Bb.

A Kryścina Mocnaja znachodziłasia na samaj dalniaj ad Alaksandra Łukašenki trybunie A. Tam možna było pabačyć čynoŭnikaŭ siaredniaha źviana — naprykład, u kadr Kryścinie trapiŭ Ivan Śmilhiń, dyrektar Departamienta vieterynarnaha i charčovaha nahladu Ministerstva sielskaj haspadarki i charčavańnia. Na hetaj ža trybunie vydzielili miescy dla štatnych pryhažuń — Eleanory Kačałoŭskaj i Darji Hančarevič, jakija ŭ roznyja hady atrymali tytuł «Mis Biełaruś».

Maci Kryściny, Śniažana Mocnaja, taksama była pobač z dačkoj.

Kamientary20

  • Zra
    10.05.2025
    Nia treba było ŭpisvacca navat u hety fars, tym bolš zajaŭlać siabie hanarlivaj udzielnicaj.
  • .
    10.05.2025
    Mabyć, heta niaŭdały rakurs, ale fota vielmi nahadvaje viadomy miem "Asudžalnyja (Napyšlivyja) Valtury" (Judgmental Volturi) z vampirami, jakija hladziać pahardliva z bałkona :)
  • Ohoniek
    10.05.2025
    Priznał, no s bratikom poka riešił nie znakomiť?

Ciapier čytajuć

«Tufli — 400 rubloŭ». Vypuskniki dzielacca, u kolki abyšlisia ich vobrazy8

«Tufli — 400 rubloŭ». Vypuskniki dzielacca, u kolki abyšlisia ich vobrazy

Usie naviny →
Usie naviny

Pčoły zachapili viełasipied minčuka, pakul jon byŭ u kramie FOTAFAKT5

Hihin ahučyŭ svaju viersiju nacyjanalnaj idei61

Biełaruski treš-strymier Mellstroy arandavaŭ raskošny dom u Kipry za $500 tysiač na hod5

«Mianie mama zabje». Moładź vylecieła ŭ kiuviet na chutkaści 160 kiłamietraŭ u hadzinu VIDEA12

Indyjski miljarder pamior paśla taho, jak prahłynuŭ pčału padčas hulni ŭ poła2

Detali apieracyi «Masada»: Izrail niekalki miesiacaŭ tajemna pryvoziŭ zapčastki dla dronaŭ i bojeprypasy ŭ Iran1

Izrail udaryŭ pa Tehieranie. Atakavana taksama štab-kvatera Minabarony Irana3

Papularnaja hrodzienskaja błohierka prarekłamavała kramu z tavarami, vyrablenymi ŭ kałonijach. Aŭdytoryja nie acaniła11

U Biełarusi na vulicach źjavilisia čyrvonyja kanapy. Voś što heta značyć6

bolš čytanych navin
bolš łajkanych navin

«Tufli — 400 rubloŭ». Vypuskniki dzielacca, u kolki abyšlisia ich vobrazy8

«Tufli — 400 rubloŭ». Vypuskniki dzielacca, u kolki abyšlisia ich vobrazy

Hałoŭnaje
Usie naviny →

Zaŭvaha:

 

 

 

 

Zakryć Paviedamić