U Viciebskaj vobłaści ŭklučać aciapleńnie ŭ abjektach sacyjalnaj śfiery
U Viciebskaj vobłaści 5 maja adnaŭlajecca aciaplalny siezon dla abjektaŭ sacyjalnaj śfiery. Pryčynaj takoha rašeńnia stała panižeńnie siaredniesutačnaj tempieratury pavietra, paviedamlaje telehram-kanał abłvykankama.
Režym «prataplivańnia» ŭvodzicca dla dziciačych daškolnych ustanoŭ, škoł, lačebna-prafiłaktyčnych i miedycynskich ustanoŭ, ustanoŭ sacyjalnaha zabieśpiačeńnia, śpiecyjalizavanych vučebna-spartyŭnych ustanoŭ, dziaržaŭnych archivaŭ, biblijatek i haścinic u Viciebsku, Vierchniadźvinskim, Haradokskim, Dokšyckim, Ušackim, Šumilinskim i Połackim rajonach.
Pra zakančeńnie aciaplalnaha siezona ŭłady Viciebskaj vobłaści paviedamili 15 krasavika. U rehijonie na toj čas ustalavałasia ciopłaje nadvorje. Adnak adznačałasia, što, kali tempieratura apuścicca nižej za +8 hradusaŭ, na abjektach sacyjalnaj śfiery budzie ŭviedzieny režym «prataplivańnia».
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary