Rasija ŭdaryła pa Charkavu balistykaj z kasietnymi bojeprypasami: kolkaść paranienych raście
Mišeńniu akupantaŭ staŭ hustanasieleny rajon horada, dzie šmat šmatpaviarchovych žyłych damoŭ.
Ranicaj rasijskija vojski nanieśli rakietny ŭdar pa Charkavie. Pavodle apošnich źviestak, adzin čałaviek zahinuŭ, jašče 40 atrymali ranieńni. Siarod paciarpiełych — dvoje dziaciej: 4 hady i 2,8 hoda, paviedamlaje UNIAN.
Jak paviedamiŭ kiraŭnik Charkaŭskaj abłasnoj vajennaj administracyi Aleh Siniahubaŭ, pavodle papiaredniaj infarmacyi, rasijanie ŭdaryli pa šmatkvaternych žyłych damach u Asnoŭjanskim rajonie.
Akramia hetaha, mer Charkava Ihar Cierachoŭ dadaŭ: «Vorah udaryŭ rakietaj pa hustanasielenym rajonie Charkava. Jość traplańnie ŭ šmatpaviarchovik. Pad zavałami mohuć znachodzicca ludzi».
A 6:10 Cierachoŭ paviedamiŭ: «Pavodle papiaredniaj infarmacyi, udary pa Charkavie byli naniesieny balistyčnymi rakietami z kasietnym načyńniem. Tamu płoščy paražeńnia vielmi vialikija. Užo 26 paciarpiełych».
Taksama jon adznačyŭ, što ŭ vyniku ŭdaru paciarpieli bolš za 20 šmatkvaternych damoŭ i bolš za 30 pryvatnych siadzib.
Akramia Charkava, pad ranicu akupanty ŭdaryli i pa Sumach. U vyniku ataki zahinuła adna čałaviek. «Siońnia kala 5 ranicy vorah udaryŭ «šachiedami» pa abjekcie hramadzianskaj infrastruktury ŭ Sumach. Papiarednie, adzin čałaviek zahinuŭ i adzin paranieny. Na miescy pracujuć avaryjna-vyratavalnyja słužby», — havorycca ŭ paviedamleńni Sumskaj abłasnoj vajennaj administracyi.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary