Tramp pra krainy, suprać jakich uvioŭ pošliny: Jany telefanujuć, dupu mnie całujuć, chočuć zaklučyć ździełku
Prezident ZŠA vykazaŭsia ab lidarach krain, suprać jakich jaho administracyja ŭviała taryfy.
Prezident ZŠA Donald Tramp zajaviŭ, što mnohija krainy nakiroŭvajuć u Vašynhton pieramoŭščykaŭ, kab zaklučyć ździełki i palehčyć uviedzienyja jaho administracyjaj taryfy. Pryčym zajavu jon zrabiŭ u nie vielmi pavažlivym tonie.
Tramp daŭ zrazumieć, što hatovy da pieramovaŭ. Pry hetym kankretnyja ŭmovy admieny pošlinaŭ nieviadomyja, piša CNN.
«Hetyja krainy nam telefanujuć. Dupu mnie całujuć. Jany pamirajuć, tak chočuć zaklučyć ździełku. [Jany kažuć] Kali łaska, kali łaska, spadar, davajcie zaklučym ździełku. Ja zrablu ŭsio, što zaŭhodna, spadar», — skazaŭ Tramp na sustrečy z respublikancami.
Amierykanski prezident nie ličyć, što handlovaja vajna z usim śvietam — heta sapraŭdnaja vajna.
«Ja sapraŭdy liču, što [handlovaja] vajna ź śvietam — heta zusim nie vajna, bo ŭsie jany jeduć siudy. Japonija lacić siudy zaraz. Jany ŭ samalocie, šmat ludziej. Usie žorstkija pieramoŭščyki», — raspavioŭ Tramp.
Pa jaho słovach, delehacyi ź Japonii i Paŭdniovaj Karei ŭžo nakiroŭvajucca ŭ ZŠA, premjer-ministr Italii prybudzie ŭ Vašynhton na nastupnym tydni, a «praaktyŭny padychod» Izraila da zaklučeńnia novych handlovych pahadnieńniaŭ z ZŠA moža stać uzoram dla ŭsich.
Amierykanskija dypłamaty rajać zamiežnym uradam dumać niestandartna i vychodzić za ramki čysta handlovych tem pry padrychtoŭcy da pieramovaŭ z administracyjaj.
Siarod idej — sadziejničańnie vyzvaleńniu amierykancaŭ, niezakonna ŭtrymoŭvanych za miažoj, supracoŭnictva z amierykanskimi kampanijami ŭ halinie ŠI, zakupka amierykanskaj enierhii abo ŭdzieł u baraćbie z hłabalnym narkahandlem.
Paśla niekalkich dzion krytyki z boku bližejšych sajuźnikaŭ Tramp daŭ zrazumieć, što nie sumniajecca ŭ svajoj stratehii.
«Ja vydatna viedaju, što rablu», — zajaviŭ jon na sustrečy z respublikancami.
2 krasavika Tramp abviaściŭ ab uviadzieńni pošlin na tavary z 185 krain śvietu. Indvidualnyja taryfy pačnuć dziejańnie 9 krasavika. Fondavyja rynki sustreli rašeńnie Trampa padzieńniem.
Ciapier čytajuć
Na svoj dzień naradžeńnia Zialenski z Naŭrockim, Naŭsiedam i Cichanoŭskaj u Vilni ŭšanuje pamiać Kastusia Kalinoŭskaha5
Kamientary
(Na movie trampa Trampu:)
...A Pucin tvaju dupu nie całuje. Ty całuješ jahonuju. I nie maješ jajec, kab pastavić jaho na miesca, ŭ sapraŭdy važnaj spravie.